2 REYES 15:10 - Dios Rimashcata Quillcashcami

¹⁰ Zacariastaca Jabespac churi Salummi pacalla parlanacushpa, tucui gentecunapac ñaupapi chugrichishpa huañuchirca. Chashna huañuchishpami, paipac randi mandarca.

2 REYES 15:10 ပူးပေါင်းရင်းမြစ်များ

1 REYES 15:28

Jatun mandac Asa ña quimsa huatata Judá llactata mandacucpimi, Nadabta Baasaca huañuchirca. Chashna huañuchishpami, Nadabpac randica paillatac mandarca.

2 REYES 12:21

Paica paita servic Simeatpac churi Josacar, Somerpac churi Jozabad chugrichicpimi huañurca. Joastaca paipac ñaupa taitacunata enterrashca Davidpac pueblollapitacmi enterrarca. Paipac randica, paipac churi Amasiasmi mandarca.

2 REYES 14:19

Paita huañuchingapacmi Jerusalenpi pacalla parlanacurca. Chaimantami paica Laquis puebloman miticushpa rirca. Chai puebloman ricpipish, catishpa rishpami, chai pueblopi huañuchirca.

2 REYES 15:11

Zacarías shuctac ruhuashcacunapish Israel llactata mandaccuna imata ruhuashcacunata quillcashcapimi tiyacun.

2 REYES 15:14

Gadipac churi Menahemca Tirsa pueblomanta Samaria puebloman huichai rishpami, Jabespac churi Salumtaca Samaria pueblopi chugrichishpa huañuchirca. Chashna huañuchishpami, paipac randi mandarca.

2 REYES 15:22

Manahem huañushpa, paipac ñaupa taitacunahuan tandanacugricpica, paipac churi Pekaiami paipac randi mandarca.

2 REYES 15:25

Pekaiataca paipac soldadocunata mandac Pekami pacalla parlanacushpa, Samaria pueblo mandana huasillapitac Argob, Arie runacunatapish, Galaad llactamanta pichca chunga runacunahuan tandanacushpa huañuchirca. Pekaca Remaliaspac churimi carca. Chashna huañuchishpaca, paimi Pekaiapac randi mandarca.

2 REYES 15:30

Elapac churi Oseasmi pacalla parlanacushpa, Remaliaspac churi Pekataca chugrichishpa huañuchirca. Chashna huañuchishpami, Pekapac randi mandai callarirca. Azariaspac churi Jotam ishcai chunga huatata mandacucpimi, chashnaca tucurca.

2 REYES 15:9

Paica ñaupa taitacuna shinallatacmi Mandac Diospac ñaupapi mana allita ruhuarca. Paica Nabatpac churi Jeroboam israelcunata juchacunata ruhuachishca shinallatacmi ruhuashpa, Mandac Diospac ñaupapica catirca.

2 REYES 9:24

Chashna callpacpimi, Jehuca paipac flechata arcomanta shitashpa, Jorampac lomopi japichishpa shunguta yallirca. Chaimantami paipac carretallapitac huañushpa tigrarca.

2 REYES 9:31

Chashna chapacushpami, Jehú pueblo punguta yaicucucpica: —¿Canta mandacta huañuchic Zimrica allillachu?— nirca.

OSEAS 7:7

Tucui paicunami rupacuc horno shina, paicunapac juezcunataca tucuchirca. Jatun mandaccunapish tucuimi huañurca. Paicunapurapica shucllapish ñucata mañacca mana tiyanchu.

OSEAS 8:4

Paicunaca manapish ñuca acllashca jatun mandaccunatami churarca. Shuctac mandaccunata churashcatapish ñucaca mana yachashcanichu. Paicunallatac llaqui tucungapacmi cullquimanta, curimanta dioscunata ruhuarca.

AMÓS 7:9

Isaacpac, israelcunapac dioscunata yuyarina altarcunaca tucuringami. Paicunapac dioscunapac huasicunaca shitashca pambami saquiringa. Jerobopac aillutaca espadahuanmi huañuchisha— nirca.