2 REYES 14:9 - Dios Rimashcata Quillcashcami

⁹ Shina cachacpimi, Israel llactata jatun mandac Joasca Judá llactata jatun mandac Amasiastaca «Líbano urcupi tiyac uchilla casha yurami, Líbano urcullapitac tiyac cedro yurataca: “Cambac ushita ñuca churihuan cazarachingapac cui” nichun cacharca. Ashtahuanpish Líbano urcumanta sacha animal shamushpami, uchilla casha yurataca sarurca.

2 REYES 14:9 ပူးပေါင်းရင်းမြစ်များ

1 REYES 4:33

Shinallatac yuracunamanta yachachishpaca, Líbano llacta cedro yuracunamanta callarishpa, patapi huiñac hisopo uchilla yuracunacamanmi yachachirca. Shinallatac jatun animalcunamantapish, volashpa puric animalcunamantapish, llucashpa puric animalcunamantapish, challuacunamantapish yachachircami.

2 CRÓNICAS 25:18

Chaimantami Israel llactata jatun mandac Joasca Judá llactata jatun mandac Amasiasmanca: «Líbano urcupi tiyac uchilla sacha yurami, Líbano urcullapitac tiyac cedro yurataca: “Cambac ushitaca ñuca churihuan cazarachingapac cui” nichun cacharca. Riqui, Líbano urcumanta millai animalcuna shamushpami, chai yurataca sarunacurca.

2 CRÓNICAS 33:11

Chaimantami Mandac Diosca paicunata llaquichichunca, Asiria llactata jatun mandacpac soldadocunata apamurca. Paicunami Manasestaca cadenacunahuan huatashpa, Babiloniaman prezu aparca.

JOB 31:18

(Ñucaca huambramanta pachami shuc taita shina paicunataca huiñachircani. Ñucaca ñuca mamapac huicsapi tiyarishca pachamantami viuda huarmicunata ña pushac carcani).

ÉXODO 3:2

Chaipimi Mandac Diospac angelca rupacuc zarza yura chaupipi ricurirca. Moisesca zarza yura tucui nina tapashca cashpapish mana rupactami ricurca.

PROVERBIOS 26:9

Yuyai illac runapac shimipica yuyaita cuc rimaicunaca machashca runa cashapi taunallishpa mana nanaric shinami.

CANTARES 2:2

Ñuca cuyashcaca solteracunapac casha chaupipi lirio sisa shinami.

ISAÍAS 34:13

Paicuna mandana huasipica casha, torrecunapica chinicuna, cardosmi huiñanga. Ucucunapica chacal animal causana, pungu pambapica avestruzcuna tiyarinami tucunga.

EZEQUIEL 20:49

Shina nicpimi ñucaca: «¡Mandac Dioslla! Paicunaca ñucataca: “Cai runaca chimbapurashca parlocunallatami parlashpa purin” nincunami» nircani.

OSEAS 9:6

Paicunaca llaquichigricucpimi rirca. Egiptopi causaccunami paicunataca chasquinga. Menfis llactapi causaccunami enterranga. Paicunapac cullqui huacaichinapica chinimi jundanga. Huasicunapica cashacunami huiñanga.

1 CORINTIOS 12:15

Chaquica: “Ñucaca mana maquichu cani, chaimanta, mana cuerpopacchu cani” mana ningachu. Shina nishpapish, cuerpopac canataca mana saquinchu.

1 SAMUEL 13:6

Israelcunaca yallita llaquipi cashpami, jatun jutcucunapi, huaicucunapi, machaicunapi, quingraicunapi, yacu jundachina jutcucunapi miticurca.