2 REYES 14:23 - Dios Rimashcata Quillcashcami

²³ Judá llactata jatun mandac Joaspac churi Amasías chunga pichca huatata mandacucpimi, Joaspac churi Jeroboamca Israel llactata mandai callarirca. Paica chuscu chunga shuc huatatami Samaria pueblopi mandarca.

2 REYES 14:23 ပူးပေါင်းရင်းမြစ်များ

2 REYES 10:30

Chaimantami Mandac Diosca Jehutaca: «Chashna huañuchishpa ñuca ñaupapi tucuchishpaca allitami ruhuashcangui. Acabpac huasi ucupuracunataca ñuca shungupi yuyashca shinami ruhuashcangui. Chaimantami cambac huahua huahuacunaca chuscu miraicaman Israel llactata mandangapac tiyaringacuna» nirca.

2 REYES 13:13

Joás huañushpa paipac ñaupa taitacunahuan tandanacucpica, Jeroboammi paipac mandashpa tiyarinapi tiyarirca. Joastaca Israel llactata jatun mandaccunata enterrashcallapitacmi Samaria pueblopi enterrarca.

2 REYES 14:1

Israel llactata jatun mandac Joacazpac churi Joás ña ishcai huatata mandacucpimi, Judá llactata jatun mandac Joaspac churi Amasiasca Judá llactata mandai callarirca.

2 REYES 14:15

Joaspac shuctac ruhuashcacunapish, imacunallata ruhuashcacunapish, Amasias-huan macanacushcapish, Israel llactata jatun mandaccuna imata ruhuashcata quillcashcapimi tiyacun.

2 REYES 14:16

Joás huañushpa, paipac ñaupa taitacunahuan tandanacugricpica, Israel llactata jatun mandaccunata enterrashcallapitacmi Samaria pueblopi enterrarca. Paipac randica paipac churi Jeroboammi mandarca.

2 REYES 14:22

Paipac taita jatun mandac huañushca quipaca Elat pueblota cutin shayachishpami, Judá llactaman curca.

2 REYES 14:24

Mandac Diospac ñaupapica mana allitami ruhuarca. Nabatpac churi Jeroboam israelcunata juchata ruhuachishca shinallatacmi juchata ruhuashpa catirca.

2 REYES 14:27

Mandac Diosca israelcunapac shutitaca cai pachamanta mana anchuchisha nircachu. Chaimantami Joaspac churi Jeroboampac maquihuan quishpichirca.

2 REYES 15:1

Israel llactata jatun mandac Jeroboam ishcai chunga canchis huatata mandacucpimi, Amasiaspac churi Azariasca Judá llactata mandai callarirca.

1 CRÓNICAS 5:17

Judá llactata jatun mandac Jotam, Israel llactata jatun mandac Jeroboam mandacui punzhacunami paicunapac ñaupa taitacunata catishpa yupashca carca.

OSEAS 1:1

Judá llactataca jatun mandac Uzías, Jotam, Acaz, Ezequías mandacucpi, cutin Israel llactataca Joaspac churi jatun mandac Jeroboam mandacui punzhacunapimi, Mandac Dios Beripac churi Oseasman huillarca.

AMÓS 1:1

Judá llactata jatun mandac Uzías mandacucpi, Israel llactataca Joaspac churi Jeroboam mandacucpi, allpa chucchungapac ishcai huata tiyacpiracmi Mandac Diosca israelcuna ima tucunata Tecoamanta ovejacunata michic Amosman huillachirca.