2 REYES 14:22 - Dios Rimashcata Quillcashcami

²² Paipac taita jatun mandac huañushca quipaca Elat pueblota cutin shayachishpami, Judá llactaman curca.

2 REYES 14:22 ပူးပေါင်းရင်းမြစ်များ

1 REYES 9:26

Jatun mandac Salomonca jatun barcocunatapish ruhuarcami. Chai barcocunataca Elot pueblo ladollapi tiyac Ezión-geber ladollapimi ruhuarca. Chai pueblocunaca Edom llacta ladollapi tiyac puca cucha patapimi.

2 REYES 14:21

Chaimantami tucui Judá llactapi causaccunaca Amasiaspac randi paipac churi Azariasta jatun mandac cachun churarca. Azariasca chunga sucta huatatami charirca.

2 REYES 14:23

Judá llactata jatun mandac Joaspac churi Amasías chunga pichca huatata mandacucpimi, Joaspac churi Jeroboamca Israel llactata mandai callarirca. Paica chuscu chunga shuc huatatami Samaria pueblopi mandarca.

2 REYES 16:6

Chai punzhacunallapitacmi Edom llactata jatun mandacca Judá gentecunata llucshishpa cachashpa, Elat pueblota Edom llactallapactac cachun cutin japirca. Shina llucchishpa cachashpami, Edom llacta runacunaca Elat pueblopi causac shamurcacuna. Cunan punzhacamanmi chaillapitac causancuna.

2 CRÓNICAS 26:2

Jatun mandac Amasías huañushpa, paipac ñaupa taitacunahuan tandanacugrishca quipami Uziasca Elot pueblotaca Judá llactallapactac cachun allichishpa shayachirca.

2 CRÓNICAS 8:17

Chai quipami Salomonca Edom llacta Ezión-geber puebloman, Elot puebloman rirca. Chai pueblocunaca mama cucha ladopimi carca.

DEUTERONOMIO 2:8

Chaimantaca ñucanchic huauqui Esaupac huahua huahuacunapac Seir urcumantaca caruyarcanchicmi. Chashnami Elat, Ezión-geber llactacunamantaca shamuna ñanta shamurcanchic. Chai quipaca shitashca pamba Moabmanmi cutircanchic.