17 Judá llactata jatun mandac Joaspac churi Amasiasca, Israel llactata jatun mandac Joacazpac churi Joás huañushcamanta pachaca chunga pichca huatatami causarca.
Judá llactata jatun mandac Joás quimsa chunga canchis huatata mandacucpimi, Joacazpac churi Joasca Israel llactata Samaria pueblopi mandai callarirca. Paica chunga sucta huatatami mandarca.
Joás huañushpa, paipac ñaupa taitacunahuan tandanacugricpica, Israel llactata jatun mandaccunata enterrashcallapitacmi Samaria pueblopi enterrarca. Paipac randica paipac churi Jeroboammi mandarca.
Amasías shuctac ruhuashcacunaca Judá llactata jatun mandaccuna imata ruhuashcata quillcashcapimi tiyacun.
Judá llactata jatun mandac Joaspac churi Amasías chunga pichca huatata mandacucpimi, Joaspac churi Jeroboamca Israel llactata mandai callarirca. Paica chuscu chunga shuc huatatami Samaria pueblopi mandarca.
Israel llactata jatun mandac Jeroboam ishcai chunga canchis huatata mandacucpimi, Amasiaspac churi Azariasca Judá llactata mandai callarirca.