2 REYES 14:14 - Dios Rimashcata Quillcashcami

¹⁴ Chashnallatac Mandac Diospac huasipi tiyac tucui curita, cullquita shinallatac tucui chai ucupi tiyashcacunata, jatun mandacpac huacaichinapi tiyac allicunatapish aparcami. Shinallatac jatun mandacpac maijan gentecunatapish prezushpami, Samaria puebloman cutimurca.

2 REYES 14:14 ပူးပေါင်းရင်းမြစ်များ

1 REYES 14:26

Shina shamushpami, Mandac Diospac huasimanta, jatun mandacpac huasimantapish sumac allicunata llucchishpa, shinallatac Salomón ruhuashca curi escudocunatapish tucui aparca.

1 REYES 15:18

Chaimantami Asaca Mandac Diospac huasipipish, mandaccunapac huasipipish alli huacaichishca cullquita japishpa, Siria llactata jatun mandac Ben-hadadman cuchun, paita serviccunaman cushpa cacharca. Ben-hadadca Damasco pueblopimi causarca. Paica Tabrimonpac churimi carca. Tabrimonca Hezionpac churimi carca. Asaca paicunataca:

1 REYES 7:51

Mandac Diospac huasipica jatun mandac Salomón ruhuanata yuyarishcataca chashnami tucui ruhuashpa tucuchirca. Chai quipami Salomonca Diospac cachun, paipac taita David chicanyachishca curita, cullquita, ashtahuan ima charishcacunataca Mandac Diospac huasiman aparca. Chaipimi ima charishcacunata huacaichina ucucunapi churarca.

2 REYES 12:18

Chaimantami Judá llactata jatun mandac Joasca Judá llactata ñaupa taita Josafat, Joram, Ocozías Mandac Diosman cushca ofrendata shinallatac pai cushca tucui curitapish, jatun mandacpac huasipi tiyashca curitapish japishpa, Siria llactata jatun mandac Hazaelman cuchun cacharca. Chaimantami Hazaelca Jerusalenmantaca rircalla.

2 REYES 18:23

Cunanca, Asiria llactata jatun mandac ñuca amoman caballocunapi ric soldadocunata can cucpica, ñucapish ishcai huaranga caballocunatami cusha.

2 REYES 24:13

Chai quipami Nabucodonosorca Mandac Diospac huasipi, mandana huasipi tucui alli huacaichishcacunata llucchirca. Chai curimanta ruhuashca charinacunataca tucuimi ñutuchirca. Chai charinacunataca Israel llactata jatun mandac Salomonmi Mandac Dios nishca shinallatac Mandac Diospac huasipi charingapac ruhuachishca carca.

2 REYES 25:15

Soldadocunata mandacca curimanta, cullquimanta ruhuashca inciensota rupachinatapish, jatun tazoncunatapish tucuimi aparca.