2 REYES 14:13 - Dios Rimashcata Quillcashcami

¹³ Israel llactata jatun mandac Joasca chai Bet-semes pueblopimi Judá llactata jatun mandac Amasiasta prezu japirca. Amasiasca Joaspac churi, Ocoziaspac nietomi carca. Judá llactata jatun mandacca Jerusalenman shamushpami, Jerusalén pircata Efraín pungumantaca esquinapi tiyac pungucaman chuscu patsac metro anchota tigrachirca.

2 REYES 14:13 ပူးပေါင်းရင်းမြစ်များ

2 REYES 25:10

Chai mandac-huan shamuc tucui caldeo soldadocunaca Jerusalén muyundi jatun pircatami urmachirca.

2 REYES 25:6

Jatun mandac Sedequiasta japishpaca, Babilonia llactata jatun mandacpacmanmi, Ribla puebloman apamurca. Chaipimi ima shina llaquichinataca huillarca.

2 CRÓNICAS 33:11

Chaimantami Mandac Diosca paicunata llaquichichunca, Asiria llactata jatun mandacpac soldadocunata apamurca. Paicunami Manasestaca cadenacunahuan huatashpa, Babiloniaman prezu aparca.

2 CRÓNICAS 36:10

Ña huata tucucucpimi, Nabucodonosorca Joaquintapish, Mandac Diospac huasipi tiyashca ashtahuan sumac charinacunatapish Babiloniaman apamuchun cacharca. Paita apashpaca, paipac huauqui Sedequiastami Judá llactata, Jerusalén pueblota jatun mandac cachunca churarca.

2 CRÓNICAS 36:6

Babilonia llactata jatun mandac Nabucodonosorca paihuan macanacungapac shamushpami, cadenacunahuan huatashpa Babilonia llactaman aparca.

NEHEMÍAS 12:39

Efraín pungumantaca mauca jatun pungutapish, Challua pungutapish, Hananeel torretapish, Hamea torretapish, Ovejacuna yaicuna pungutapish pasashpami prezu huasi pungupi saquirircanchic.

NEHEMÍAS 8:16

Chaimantami gentecuna urcucunaman llucshishpa ramacunata apashpa, quiquin chucllacunata ruhuarcacuna. Maijancunaca paicunapac huasi jahuacunapi, pungu pambacunapi, Diospac huasi pungu pambacunapi, yacuman llucshina pungu lado plazapi, Efraín pungu lado plazapi, chucllata ruhuarcacuna.

PROVERBIOS 16:18

Manarac llaqui tucushpaca jatun tucushcami can. Manarac urmashpaca, jatun tucushpami causancuna.

PROVERBIOS 29:23

Jatun tucuc runataca llaquimi japinga. Ashtahuanpish shungupi yangalla cac runaca alli nishcami canga.

JEREMÍAS 31:38

Jerusalentaca ñucapaclla cachun, Hananeel torremanta, esquinapi tiyac pungucaman allichina punzhacunami shamugrin.

DANIEL 4:37

Cunanca Nabucodonosor ñucaca jahua pachata jatun Mandacta “sumaimana cangui” nishpami alli nini. Tucui pai ruhuashcaca pai nic cashcata, ruhuac cashcatami ricuchin. Jatun tucushca gentecunatapish cumurichinmi.

ZACARÍAS 14:10

Tucui llactami Geba llactamantaca Jerusalén ura ladoman tiyac Rimón llactacamanmi pugru pamba tucunga. Jerusalenca jahuapimi canga. Chai puebloca Benjaminpac pungumantaca punta pungucaman, pirca esquinapi tiyac pungucamanmi canga. Hananeelpac jatun torremantaca jatun mandacpac uvasta cutana pushtucunacamanmi causanga.

SAN LUCAS 14:11

Maijanpish “allimi cani” nictaca, “mana allichu cangui” ningami. Maijanpish “mana allichu cani” nictaca, “allimi cangui” ningami» nirca.