2 REYES 13:7 - Dios Rimashcata Quillcashcami

⁷ Siria llactata jatun mandacmi tucui tucuchishpa, ñuto allpata shina saquishca cacpimi, Joaspac gentecunaca caballopi ric pichca chunga soldadocuna, macanacuna chunga carretacuna, chaquillahuan puric chunga huaranga soldadocunalla saquirishca carca.

2 REYES 13:7 ပူးပေါင်းရင်းမြစ်များ

2 SAMUEL 22:43

Paicunataca ñuto allpata shina ruhuarcani. Ñanpi siricuc turu shinatami sarushpa saquircani.

1 REYES 20:15

Chashna nicpimi, Acabca llactacunata mandaccunapac ishcai patsac quimsa chunga ishcai serviccunata, shinallatac tucui israelcunatami allichirichun nishpa huillarca. Paicunaca canchis huarangami carca.

1 REYES 20:27

Shinallatac israelcunapish allichirishpami, imallata apashpa siriocunahuan macanacungapac rircacunacuna. Israelcunaca siriocunapac chimbapurapimi ishcaipi chicanyarishpa carpa huasicunata shayachishpa, tiyarircacuna. Siriocunaca jatun pamba jundami carca. Israel soldadocunaca ishcai corral chivocuna shinallami ricurircacuna.

2 REYES 10:32

Chai punzhacunami Mandac Dios Israel llactataca tucuchi callarirca. Chaimantami Siria llactata jatun mandac Hazaelca paipac llacta ladolla tucui llactacunahuan macanacushpa misharca.

2 REYES 13:8

Joacazpac shuctac ruhuashcacunapish, imacunallata ruhuashcacunapish, sinchi mandac cashcapish, israelcunata jatun mandaccuna tucui imata ruhuashcata quillcashcapimi tiyacun.

2 REYES 8:12

Chaimantami Hazaelca: —Ñuca mandaclla, ¿ima nishpatac huacangui?— nishpa tapurca. Shina nicpimi paica: —Israelcunata can llaquichigricushcatami yachani. Canca paicunapac torrecunatapish rupachigringuimi. Mosocunatapish espadahuan huañuchigringuimi. Huahuacunata japishpa pambata shitagringuimi. Huicsayuc huarmicunatapish huicsata pascashpa huañuchigringuimi— nirca.

SALMOS 18:42

Paicunataca ñuto allpata huairapi chingachic shinami chingachircani. Ñanpi siric turuta shinami sarurcani.

ISAÍAS 36:8

Cunanca, Asiria llactata jatun mandacman soldadocunata mañai. Can caballocunapi ric soldadocunata cucpica, ishcai huaranga caballocunatami cusha.

ISAÍAS 41:2

¿Pitac jatun mandactaca ricchachishpa, inti llucshina ladomanta pushamurca? Paimanmi tucui llactacunata mandachun cunga. Chashna cucpimi, tucui jatun mandaccunata mandanga. Espadahuanmi ñuto allpata shina ruhuanga. Arcohuanca chaquishca pangata shinami maita shitanga.

JOEL 3:14

Mandac Dios llaquichina punzhaca ñami chayamun. Pai taripana pugru pambapica, tiyu shina, gentecunami tandanacushca.

LEVÍTICO 26:17

Ñucaca cancunata piñashami. Shina piñacpimi, cancunata piñaccunaca atishpa chugrichinga. Cancunata mana ricunayachiccunami manchachishpa changa. Manapish pi ima nicucpimi, miticushpa puringuichic.

AMÓS 1:3

Mandac Diosca: «Damascopi causaccunataca paicuna catipi quimsa cutin, chuscu cutin juchallishcamanta llaquichinataca manatac saquishachu. Paicunaca Galaad llactapi causaccunataca trillana fierrohuanmi llaquichirca.

AMÓS 4:10

Egipto llactata llaquichishca shina llaquichicpipish, cancunapac churicunata jatun macanacuita cachashpa huañuchicpipish, cancunapac caballocunata cancunata piñaccuna prezushpa aparicpipish, achca soldadocuna huañushpa ismushca ashnacucpipish cancunaca mana ñucapacman cutirircanguichicchu.

1 SAMUEL 13:15

Shina nishca quipami Samuelca Gilgal pueblomantaca Benjamín llactapi cac Gabaa puebloman huichai rirca. Saulca paihuan ric macanacuc runacunata yupashpaca sucta patsac soldadocunami carca.