2 REYES 13:21 - Dios Rimashcata Quillcashcami

²¹ Chai runacuna shamui punzhaca shuc huañushcatami enterracurca. Tandanacushpa shuhuaccuna shamucucta ricushpami, chai huañushcata Eliseota enterrashca jutcupi shitashpa callparca. Chashna shitacpica, Eliseopac tullucunapi huactarishpami causarishpa shayarirca.

2 REYES 13:21 ပူးပေါင်းရင်းမြစ်များ

2 REYES 13:22

Joacaz mandacui tucui huatacunapimi Siria llactata jatun mandac Hazaelca israelcunata yallita llaquichishpa charirca.

2 REYES 4:35

Chaimanta jatarishpami, Eliseoca ucupi caiman chaiman puricurca. Chai quipa camaman huichicushpami, cutinllatac huahuapac jahuapi chashnallatac siririrca. Chashna canchis cutincaman tuparicpimi huahuaca ñahuita pascarca.

ISAÍAS 26:19

Cambac huañushcacunaca causaringami. Huañushca cuerpoca jataringami. ¡Allpapi samaricuccunalla, riccharishpa cantaichicyari! Garua tamyahuan muyu huiñac shinami, allpamanta llucshimunga. Cai pachaca huañushcacunata cutichingami.

SAN JUAN 11:44

Chashna caparicpimi, chai huañushcaca chaqui, maqui pillushca, umapish lienzohuan pillushca llucshimurca. Shina llucshimucpimi Jesusca: —Pai purichun, pillushcata pascaichic— nirca.

SAN JUAN 5:25

Huañushcacuna Diospac Churi rimashcata uyana pachaca chayamucunmi. Chaita, cunanllatacmi. Chaita uyaccunaca causaita charingami. Chaica chashnatacmi can.

HECHOS 19:12

Chaimantami Pablo tuparishca churanacunatapish, lienzocunatapish ungushcacunapac jahuapi churangapac apaccuna carca. Shina churacpica, ungushcacunaca alliyarcacunami. Millai Supaicunapish runamanta llucshicmi carca.

HECHOS 5:15

Shinallatac Pedro llandushpallapish alliyachichunmi, gentecunaca ungushcacunataca huandumushcacunandi ñanman apashpa churarca.

APOCALIPSIS 11:11

Ashtahuanpish quimsa punzha chaupi tucucpica, causaita cuc espirituta Dios cachacpimi, paicunaca causarishpa jatarirca. Chaita ricuccunaca yallitami mancharirca.