2 REYES 13:17 - Dios Rimashcata Quillcashcami

¹⁷ Chai quipaca: —Inti llucshina lado ventanata pascai— nirca. Shina pascacpi Eliseoca: —¡Flechata shitai!— nirca. Chai flechata cacharicpimi Eliseoca: —¡Mandac Diosca cai flechahuanmi macanacuita mishachinga! ¡Cai flechahuanmi siriocunataca mishachinga! Canmi siriocunata Afec pueblopi huañuchishpa tucuchingui— nirca.

2 REYES 13:17 ပူးပေါင်းရင်းမြစ်များ

2 SAMUEL 5:24

Bálsamo panga jahuata puric shina uyaricpica, filisteocunahuan macanacungapac llucshingui. Chaipimi Mandac Dios Ñucaca filisteocunata huañuchingapac ñaupashpa risha— nirca.

1 REYES 20:26

Ña huata quipami, Ben-adadca Siria llacta soldadocuna macanacungapac ña allichirishcata ricushpa, israelcunapish macanacungapac Afec puebloman rirca.

1 REYES 20:29

Canchis punzhacamanmi carpa huasicunapi chimbapurashpa tiyacurcacuna. Ña canchis punzhapica macanacuimi callarirca. Israelcunaca shuc punzhallapimi chaquillahuan puric Sirio soldadocunataca patsac huarangata huañuchircacuna.

2 REYES 13:16

Shina japicpimi, Eliseoca Israel llactata jatun mandactaca: —Cambac maquita arco jahuapi churai— nirca. Shina churacpimi, Eliseoca jatun mandacpac maquipi paipac maquita churarca.

2 REYES 13:18

Cutinllatac Eliseo rimashpaca: —Flechata japi— nirca. Shina japicpi, Eliseoca Israel llactata jatun mandactaca: —¡Allpapi huactai!— nirca. Shina nicpimi, jatun mandacca quimsa cutin huactashpa, mana ashtahuan huactarca.

ÉXODO 4:17

Cai taunata cambac maquipi apai, cai taunahuanmi mancharina ricuchinacunata ricuchingui.

ÉXODO 4:2

Shina nicpimi, Mandac Diosca: —¿Imatatac maquipi charicungui?— nirca. Shina nicpimi Moisesca: —Shuc taunatami charicuni— nirca.

1 CORINTIOS 1:18

Cristo cruzpi huañushcata huillashcaca, pucllashca shinami chingarinaman riccunamanca ricurin. Ashtahuanpish ñucanchic quishpirinaman riccunamanca, Diosca poderyuc cashcatami ricuchin.

JOSUÉ 12:18

Afec pueblota jatun mandacta, Sarón pueblota jatun mandacta,

1 SAMUEL 4:1

Samuelca tucui israelcunamanmi huillarca. Chai punzhacunallatacmi, israelcunaca filisteocunahuan macanacungapac llucshishpa, Eben-ezer ladopi carpa huasicunata shayachishpa tiyarirca. Cutin filisteocunapish, Afec pueblopimi carpa huasicunata shayachishpa tiyarirca.