2 REYES 13:14 - Dios Rimashcata Quillcashcami

¹⁴ Eliseoca huañuna ungüihuanmi yallita ungurca. Israel llactata jatun mandac Joasca ricungapacmi urai shamurca. Paipac ñaupapi huacashpaca: —¡Ñuca taitalla, ñuca taitalla! ¡Canca macanacuna carretacunata, caballopi ric soldadocuna shinamari israelcunapacca cangui!— nirca.

2 REYES 13:14 ပူးပေါင်းရင်းမြစ်များ

GÉNESIS 48:1

Asha punzhacuna quipa Josemanca: “Cambac taita Jacoboca ungushcami” nishpami huillarca. Chaita uyashpami, Joseca paipac ishcai churi Efraintapish, Manasestapish pushashpa, ricungapac rirca.

GÉNESIS 49:33

Jacobo tucui paipac churicunata mandashpaca, cutin camapi siririshpami, changacunata tandashpa, ñaupa taitacunahuan tandanacugrirca.

GÉNESIS 50:1

Taita Jacobo huañucpica, Joseca paipac taitata ucllarishpami, huacashpa mucharca.

2 REYES 13:12

Joaspac shuctac ruhuashcacunapish, imacunallata ruhuashcacunapish, sinchita mandashcapish, Judá llactata jatun mandac Amasias-huan macanacushcapish, Israel llactata jatun mandaccuna imata ruhuashcata quillcashcapimi tiyacun.

2 REYES 13:13

Joás huañushpa paipac ñaupa taitacunahuan tandanacucpica, Jeroboammi paipac mandashpa tiyarinapi tiyarirca. Joastaca Israel llactata jatun mandaccunata enterrashcallapitacmi Samaria pueblopi enterrarca.

2 REYES 13:15

Shina nicpimi Eliseoca: —Shuc arcotapish, maijan flechacunatapish japi— nirca. Shina nicpimi, jatun mandacca shuc arcota, maijan flechacunata japirca.

2 REYES 2:12

Chashna ricta ricushpami Eliseoca: «¡Ñuca taitalla, ñuca taitalla! ¡Canca israelcunapac macanacuna carretacunapi, caballocunapi ric soldadocuna shinami cangui!» nirca. Chai quipaca Eliastaca mana ashtahuan ricurcachu. Chai quipaca, paipac churanata japishpami ishcaipi lliquirca.

2 REYES 20:1

Chai punzhacunami Ezequiastaca huañuna ungüi japirca. Shina cacpimi Dios ima nishcata huillac Amozpac churi Isaías paipacman rishpaca: —Mandac Diosca: “Canca huañugringuimi, ña mana causanguichu. Chaimanta cambac huasi ucupurataca imata nina cashpapish utca ningui” ninmi— nirca.

2 REYES 6:21

Israel llactata jatun mandac paicunata ricushpami Eliseotaca: —Ñuca taitalla, ¿paicunataca huañuchishachu? ¿Huañuchishallachu?— nirca.

SALMOS 12:1

Mandac Dioslla, canta cazuccunaca pi mana saquirinchu. ¡Chaimanta quishpichiyari! Huañuclla runacunapurapica, canta caticcunaca ña illanmi.

PROVERBIOS 11:11

Allita ruhuaccunata bendiciacpimi, puebloca alli nishca canga. Ashtahuanpish Diosta mana manchaccuna rimashcaca llaquichishpami tucuchin.

ISAÍAS 57:1

Cashcata ruhuac runa huañucpica, pipish mana yuyarinchu. Llaquic runa chingaricpica, pipish mana entendinchu. Chashna huañushpa llaquimanta anchuchishcataca pi mana yuyarinchu.

EZEQUIEL 14:14

Noé, Daniel, Job cai llactapi causanman carca, cai quimsa runacunallami paicuna cashcata ruhuaccuna cashcamanta quishpirinman. Chaitaca Mandac Dios ñucami nini.

EZEQUIEL 22:30

Chai llactata mana llaquichisha nishpami, ñucaca maijan cai llactamanta ñucahuan rimachun, shuc runata mashcarcani. Shina mashcashpapish mana tarircanichu.

ZACARÍAS 1:5

¿Maipitac cancunapac ñaupa taitacunaca? Ñuca ima nishcata huillaccunaca, ¿huiñaitachu causanga?

MARCOS 6:20

Herodesca Juantaca cashcata ruhuac, Diospaclla causactami yacharca. Chaimantami paita manchashpa, cuidashpa charirca. Imata ruhuanata yuyacushpapish, Juan huillacpica, cushillami uyac carca.

SAN JUAN 11:3

Lazaropac panicuna Jesuspacman cachashpaca: —Apunchic Jesús, canhuan apanacuc Lazaromi ungushca— nichun cacharca.

HECHOS 13:36

Davidca pai causai punzhacunapica Dios munashca shinami servishpa causarca. Chashna cashpapish paica huañushpa, paipac ñaupa taitacunahuanmi enterrashca carca. Paipac cuerpopish ismurcami.

FILIPENSES 2:26

Epafroditoca tucui cancuna ima shina cashcata ricugrina yuyaillami puricun. Ashtahuancarin pai ungushca cashcata cancuna yachashcamantami, mai llaquiricun.