2 REYES 12:6 - Dios Rimashcata Quillcashcami

⁶ Jatun mandac Joás ishcai chunga quimsa huatata mandangacamanpish curacunaca Diospac huasi pirca chictataca manarac allichircacunachu.

2 REYES 12:6 ပူးပေါင်းရင်းမြစ်များ

2 REYES 12:5

Curacuna cullquita huacaichiccunapac maquimanta japishpa, Mandac Diospac huasi chictarishcacunata, ashtahuan maipi allichinacunata allichinguichic» nirca.

2 REYES 12:7

Jatun mandac Joasca Joiada curatapish, caishuc curacunatapish cayashpaca: «¿Ima nishpatac Mandac Diospac huasi chictarishcacunataca cunancaman manarac allichinguichic? Cunanca, cullquita huacaichiccunapac maquimanta mana japinachu canguichic. Ashtahuanpish Diospac huasi chictarishcacunata allichichunmi cuna canguichic» nirca.

2 CRÓNICAS 24:5

Chaita yuyarishpami curacunata, levitacunata tandachishpaca: «Cancunata Mandac Diospac huasita huatanta allichingapac, Judá llactapi cac pueblocunaman rishpa, tucui israelcunamanta cullquita tandachichic. Chaitaca utcami ruhuana canguichic» nirca. Shina mandacpipish levitacunaca mana utca ruhuarcachu.

2 CRÓNICAS 29:34

Ashtahuanpish curacunaca ashalla cashpami, tucui rupachina animalcunataca mana llushti pudircacuna. Chaimantami animalcunata llushtishpa, tucui tucuchingacaman shinallatac caishuc curacuna Diosta servingapac allichiringacamanca paicunapac huauqui levitacuna ayudarca. Levitacunami curacunata atishpa utca chuyayarca.

MALAQUÍAS 1:10

Ñuca altar jahuapi ama yanga rupachic shamuchunca, cancunapuramanta, ¿pitac ñuca huasi punguta huichcac shamunguichic? Ñucaca cancunahuanca mana cushillachu cani. Cancunapac ofrendatapish mana chashquishachu. Chaitaca Mandac Dios ñucami nini.

FILIPENSES 2:21

Caishuccunaca paicunapac alli canallatami mashcancuna. Cristo Jesusmanta allita ruhuanataca mana munancunachu.

1 PEDRO 5:2

Dios cancunaman mingashca criccunataca ovejacunata michic shina, quiquin munaihuan alli ricuraichic. Pi ruhuai nishcallamanta, cullquita japingaraicullapish ama ruhuaichicchu, ashtahuanpish Dios munashca shina, mana quillanayachishpa chaparaichic.