2 REYES 12:5 - Dios Rimashcata Quillcashcami

⁵ Curacuna cullquita huacaichiccunapac maquimanta japishpa, Mandac Diospac huasi chictarishcacunata, ashtahuan maipi allichinacunata allichinguichic» nirca.

2 REYES 12:5 ပူးပေါင်းရင်းမြစ်များ

1 REYES 11:27

Jeroboamca jatun mandac Salomontaca: Milo pambata allpata montonashpa allichicushpa paipac taita Davidpac pueblo pirca jutcushca punguta jarcashcamantami llaquichic callarirca.

2 REYES 12:12

Huasita ruhuaccunamanpish, shinallatac rumita allichiccunamanpishmi cuc carca. Chai cullquillahuantacmi Diospac huasi chictarishcacunata allichingapac caspicunata, labrashca rumicunata randirca. Diospac huasita tucui allichingapac minishtishcacunatami curcacuna.

2 REYES 12:4

Joasca curacunataca: «Mandac Diospac huasiman apamushca Diospaclla chicanyachishca cullquita, shinallatac cuna cashcamanta cushca cullquita, quiquin munaimanta Mandac Diospac huasiman apamushca cullquitapish tucui tandachinguichic.

2 REYES 12:6

Jatun mandac Joás ishcai chunga quimsa huatata mandangacamanpish curacunaca Diospac huasi pirca chictataca manarac allichircacunachu.

2 REYES 22:4

«Curacunata mandac Hilciaspacman rishpa, Mandac Diospac huasiman gentecuna apamushca cullquita tandai. Chai cullquitaca huasi pungupi cuidaccunami charicun.

1 CRÓNICAS 29:6

Shina nicpi, familiacunata mandaccunapish, Israel aillucunata mandaccunapish, huaranga soldadota mandaccunapish, patsac soldadota mandaccunapish, jatun mandaccunapish, jatun mandacpac ima charishcacunata cuidaccunapish ima tiyashcata paicunapac munaihuanmi Diosman curcacuna.

1 CRÓNICAS 29:9

Gentecunaca mana llaquirishpa tucui shunguhuan, Mandac Diosman ofrendata cushcamantami cushicurca. Shinallatac jatun mandac Davidpish yallitami cushicurca.

2 CRÓNICAS 24:5

Chaita yuyarishpami curacunata, levitacunata tandachishpaca: «Cancunata Mandac Diospac huasita huatanta allichingapac, Judá llactapi cac pueblocunaman rishpa, tucui israelcunamanta cullquita tandachichic. Chaitaca utcami ruhuana canguichic» nirca. Shina mandacpipish levitacunaca mana utca ruhuarcachu.

2 CRÓNICAS 24:7

Diosta mana manchac Ataliami paipac huahuacunahuan Mandac Diospac huasita tucuchishpa, chaipi tiyac Diospaclla chicanyachishcacunatapish yanga dioscunaman cungapac apashca» nirca.

ÉXODO 30:13

Tucui yupashca israelcunami carpa huasipi tiyac valishca cullquita chaupi siclosta pezashpa cunga. (Siclosca 20 gerasmi). Chaupi siclos cullquica ñucaman alzashpa cunami canga.

ISAÍAS 58:12

Ñaupa huatamanta pacha rumi montón shina siricuc Jerusalentaca quipa huiñaicunami allichinga. Unaita tallirishca siricuc pircatami callari rumita cutin churashpa shayachingui. Chaita ruhuacpimi cancunataca: “Tallirishca huasicunata allichiccunami, ñancunata allichiccunami” ningacuna.

LEVÍTICO 27:2

«Mandac Diosca israelcunataca: “Ñucata servingapac ari nishca runataca shuc runa mashna valic cashcata pagashpami cacharichina can.

NÚMEROS 18:15

Tucui punta churicunapish, animalcunapish ñucaman cushcaca canmanmi canga. Ashtahuanpish punta churipish, punta animalpish mana alli cacpica, cullquitami cuna can.