2 REYES 12:18 - Dios Rimashcata Quillcashcami

¹⁸ Chaimantami Judá llactata jatun mandac Joasca Judá llactata ñaupa taita Josafat, Joram, Ocozías Mandac Diosman cushca ofrendata shinallatac pai cushca tucui curitapish, jatun mandacpac huasipi tiyashca curitapish japishpa, Siria llactata jatun mandac Hazaelman cuchun cacharca. Chaimantami Hazaelca Jerusalenmantaca rircalla.

2 REYES 12:18 ပူးပေါင်းရင်းမြစ်များ

1 REYES 14:26

Shina shamushpami, Mandac Diospac huasimanta, jatun mandacpac huasimantapish sumac allicunata llucchishpa, shinallatac Salomón ruhuashca curi escudocunatapish tucui aparca.

1 REYES 15:18

Chaimantami Asaca Mandac Diospac huasipipish, mandaccunapac huasipipish alli huacaichishca cullquita japishpa, Siria llactata jatun mandac Ben-hadadman cuchun, paita serviccunaman cushpa cacharca. Ben-hadadca Damasco pueblopimi causarca. Paica Tabrimonpac churimi carca. Tabrimonca Hezionpac churimi carca. Asaca paicunataca:

2 REYES 12:19

Joaspac shuctac ruhuashcacunapish, imacunallata ruhuashcacunapish Judá llactata jatun mandaccuna imata ruhuashcata quillcashcapimi tiyacun.

2 REYES 12:4

Joasca curacunataca: «Mandac Diospac huasiman apamushca Diospaclla chicanyachishca cullquita, shinallatac cuna cashcamanta cushca cullquita, quiquin munaimanta Mandac Diospac huasiman apamushca cullquitapish tucui tandachinguichic.

2 REYES 14:14

Chashnallatac Mandac Diospac huasipi tiyac tucui curita, cullquita shinallatac tucui chai ucupi tiyashcacunata, jatun mandacpac huacaichinapi tiyac allicunatapish aparcami. Shinallatac jatun mandacpac maijan gentecunatapish prezushpami, Samaria puebloman cutimurca.

2 REYES 16:8

Mandac Diospac huasimantapish, jatun mandacpac huasimantapish allichishca cullqui, curita japishpami, Acazca Asiria llactata jatun mandacman cuchun cacharca.

2 REYES 8:12

Chaimantami Hazaelca: —Ñuca mandaclla, ¿ima nishpatac huacangui?— nishpa tapurca. Shina nicpimi paica: —Israelcunata can llaquichigricushcatami yachani. Canca paicunapac torrecunatapish rupachigringuimi. Mosocunatapish espadahuan huañuchigringuimi. Huahuacunata japishpa pambata shitagringuimi. Huicsayuc huarmicunatapish huicsata pascashpa huañuchigringuimi— nirca.

2 CRÓNICAS 16:2

Chaimantami Judá llactata jatun mandac Asaca Mandac Diospac huasimanta, mandashpa tiyana huasipi imapish yalli valishcacunata huacaichinamanta cullquita, curita llucchishpa Siria llactata jatun mandac Damascopi causac Ben-adadman cuchun cacharca.

2 CRÓNICAS 24:17

Joiada cura huañushca quipaca, Judá llactata mandaccunaca jatun mandacpacman shamushpami, canca allimi cangui nircacuna. Paicuna shina nishcataca jatun mandacca uyarcami.

JOEL 3:5

Cancunaca ñuca cullquita, curita, sumac charinacunata quichushpami, cancunapac dioscunapac huasicunaman aparcanguichic.