2 REYES 11:17 - Dios Rimashcata Quillcashcami

¹⁷ Chai quipaca Joiada curami jatun mandactapish, gentecunatapish Mandac Diosman imata ruhuashpa pactachichun, Mandac Diospaclla causachun ari nichirca. Shinallatac jatun mandactapish, chai gentecunatapish ari nichircami.

2 REYES 11:17 ပူးပေါင်းရင်းမြစ်များ

2 SAMUEL 5:3

Tucui israelcunata pushac yuyaccunami jatun mandac Davidpacman Hebrón puebloman rirca. Chaipimi Davidca Diospac ñaupapi shuc ari ninacuita paicunahuan ruhuarca. Chaillapitacmi Davidta aceitehuan cahuishpa israelcunata jatun mandacta ruhuarca.

2 REYES 11:4

Ashtahuanpish canchis huata tucucpimi, Joiada curaca patsac soldadocunata, mandana huasita cuidaccunata tandachishpa, Mandac Diospac huasi ucuman pusharca. Chai huasi ucupimi paicunahuan shuclla yuyai tucushpa ari ninacurca. Chai quipami jatun mandac Ocoziaspac churi Joastaca ricuchirca.

2 REYES 23:3

Chai quipami jatun mandacca pilar ladopi shayarishpa Mandac Diosta catishun nishpa, Mandac Diospac ñaupapi ari nircacuna. Pai mandashcacunatapish, pai yachachishcacunatapish pactachishun pai rimashca shimicunatapish, Dios-huan ari nishcatapish, chai libropi quillcashcatapish tucui shunguhuan, tucui almahuan pactachishun nishpami ari ninacurca. Chashnami Dios ari nishcataca tucui gentecuna pactachishun nircacuna.

1 CRÓNICAS 11:3

Israelcunata pushac tucui yuyaccunami jatun mandacpacman Hebrón puebloman shamurcacuna. Shina shamucpimi, Davidca Hebrón pueblopi Mandac Diospac ñaupapi paicunahuan ari ninacurca. Mandac Dios Samuelman huillashca shinallatacmi israelcunata jatun mandac cachun Davidtaca aceitehuan cahuirca.

2 CRÓNICAS 23:16

Chai quipami Joiada curaca paipish, tucui gentecunapish, jatun mandacpish Diospaclla tucungapac ari nircacuna.

2 CRÓNICAS 29:10

Cunanca, Mandac Dios israelcunahuan yallita piñarishcamanta alli tucuchunmi paihuan ari ninacungapac yuyarircani.

2 CRÓNICAS 34:31

Jatun mandacca pai shayarinallapitac shayarishpami, Mandac Diosta catingapac, pai mandashcacunata cazungapac, pai yachachishcacunata, rimashpa quillcashcacunata cazungapac, Dios nishca libropi tucui ima nicushcata tucui shunguhuan, tucui almahuan pactachingapac Diospac ñaupapi ari nirca.

ESDRAS 10:3

Chaimanta cunanca, Dios mandashcata manchaccuna yuyashca shina, mandashcapi nishca shina tucui mana Israel huarmicunatapish, paicunapac huahuacunatapish llucchishpa cachangapac ñucanchic Dios-huan ari ninacushun.

NEHEMÍAS 9:38

Tucui cai llaquicunamantami, ñucanchicca pactachingapac ari nishpa quillcanchic. Chai quillcapica ñucanchic mandaccuna, levitacuna, curacunami firmancuna.

JEREMÍAS 34:8

Jatun mandac Sedequiasca serviccunata cacharichingapacmi tucui Jerusalenpi causaccunahuan ari ninacurca. Chai quipami Mandac Diosca Jeremiasman huillarca.

2 CORINTIOS 8:5

Paicuna cushpaca, mana ñucanchic yuyacushca shinachu curcacuna, ashtahuanpish paicunallatacmi puntaca Apunchic Jesucristoman curishpa quipaca Dios munashca shinami, ñucanchicpacta ruhuanatapish munarcacuna.

JOSUÉ 24:25

Shina nicpica, Josueca chai punzhallatami israelcunahuan pactachingapac shuc ari ninacuita ruhuarca. Shinallatac mandashcacunata pactachichun cushca rimashcacunatapish Siquem pueblopi curca.

1 SAMUEL 10:25

Chai quipami Samuelca jatun mandac ima shina mandanata huillashpa, chai nishcacunata quillcashpa, Mandac Diospac huasi ucupi huacaichirca.