2 REYES 11:15 - Dios Rimashcata Quillcashcami

¹⁵ Chaimantami Joiada curaca patsac soldadocunata mandaccunataca: «Chai huarmita Diospac huasi ñaupamanta llucchichic. Maijanpish paita catic tiyacpica, espadahuan huañuchichic» nishpa mandarca. Curami “Mandac Diospac huasipica ama huañuchinguichu” nishpa mandashca carca.

2 REYES 11:15 ပူးပေါင်းရင်းမြစ်များ

2 REYES 11:14

Chaiman yaicushpami, jatun mandactaca ima shina shayarina cashca shinallatac, pilar ladopi shayacucta ricurca. Shinallatac mandaccunapish, trompetapi tocaccunapish jatun mandacpac ladopi shayacurca. Chai llactapi causaccunapish trompetapi tocashpa, yallita cushicucucta ricushpami, Ataliaca paipac churanata lliquirishpaca: «¡Umashcamari! ¡Umashcamari!» nishpa caparirca.

2 REYES 11:16

Chaimantami Ataliataca mandana huasiman apashpa, caballocuna yaicuna pungupi huañuchirca.

2 REYES 11:4

Ashtahuanpish canchis huata tucucpimi, Joiada curaca patsac soldadocunata, mandana huasita cuidaccunata tandachishpa, Mandac Diospac huasi ucuman pusharca. Chai huasi ucupimi paicunahuan shuclla yuyai tucushpa ari ninacurca. Chai quipami jatun mandac Ocoziaspac churi Joastaca ricuchirca.

2 CRÓNICAS 23:14

Ashtahuanpish Joiada curaca patsac soldadocunata mandaccunata ucumanta llucchishpaca: «Chai huarmita caimanta canzhaman llucchichic. Maijanpish paita caticcunataca espadahuan huañuchinguichic» nirca. Mandac Diospac huasi ucupica mana huañuchinachu nishpami curallatac mandashca carca.

2 CRÓNICAS 23:9

Joiada curallatacmi jatun mandac David charishca lanzacunatapish, jatun escudocunatapish, patsac soldadocunata mandaccunaman curca. Chaicunaca Mandac Diospac huasipimi carca.

ÉXODO 21:14

Maijanpish shuctac runata piñashpa, cungailla huañuchicca, ñuca altarmanta llucchishpa, huañuchishcami cana can.

EZEQUIEL 21:14

Huañunalla runa, chai espadaca ishcai cutin, quimsa cutincamanmi llaquichinga. Chai espadami tucuita huañuchishpa pasanga. Chaimanta maquita huactashpa huillaiyari.

EZEQUIEL 9:7

Cutinllatac runacunata rimashpaca: «Ñuca huasita mapayachichic. Huañushcacunata canzha pambapi montonashpa llucshichic» nirca. Shina nicpimi, paicuna chaimanta rishpaca, pueblopi causaccunata huañuchi callarirca.

HECHOS 21:30

Tucui Jerusalenpi causaccunami Diosta mañana huasiman bullashpa yaicurca. Chashnami Pablota japishpa pambata aisashpa, ucumanta llucchishpa pungucunata huichcarca.