2 REYES 11:14 - Dios Rimashcata Quillcashcami

¹⁴ Chaiman yaicushpami, jatun mandactaca ima shina shayarina cashca shinallatac, pilar ladopi shayacucta ricurca. Shinallatac mandaccunapish, trompetapi tocaccunapish jatun mandacpac ladopi shayacurca. Chai llactapi causaccunapish trompetapi tocashpa, yallita cushicucucta ricushpami, Ataliaca paipac churanata lliquirishpaca: «¡Umashcamari! ¡Umashcamari!» nishpa caparirca.

2 REYES 11:14 ပူးပေါင်းရင်းမြစ်များ

GÉNESIS 37:29

Chai quipami Rubenca chai jutcuman cutishpa, Joseta mana tarishpaca, paipac churanata lliquirirca.

GÉNESIS 44:13

Chashna taricpica, munai llaquirishpa, paicunapac churanata lliquishpami, quiquin burrocunapi grano tulucunata apachishpa, chai llactaman cutirca.

1 REYES 1:25

Cunanmi paica huirayashca huagracunata, shuctac animalcunata, achca ovejacunatapish huañuchishpa, jatun micuita ruhuangapac urai rishca. Chai micuimanmi can jatun mandacpac tucui caishuc churicunata, soldadocunata mandaccunata, shinallatac Abiatar curatapish cayashca. Riqui, paicunaca paipac ñaupapimi micushpa ubiashpaca: “¡Jatun mandac Adoniasca causacuchunlla!” nishpa caparicun.

2 REYES 11:15

Chaimantami Joiada curaca patsac soldadocunata mandaccunataca: «Chai huarmita Diospac huasi ñaupamanta llucchichic. Maijanpish paita catic tiyacpica, espadahuan huañuchichic» nishpa mandarca. Curami “Mandac Diospac huasipica ama huañuchinguichu” nishpa mandashca carca.

2 REYES 23:3

Chai quipami jatun mandacca pilar ladopi shayarishpa Mandac Diosta catishun nishpa, Mandac Diospac ñaupapi ari nircacuna. Pai mandashcacunatapish, pai yachachishcacunatapish pactachishun pai rimashca shimicunatapish, Dios-huan ari nishcatapish, chai libropi quillcashcatapish tucui shunguhuan, tucui almahuan pactachishun nishpami ari ninacurca. Chashnami Dios ari nishcataca tucui gentecuna pactachishun nircacuna.

2 REYES 9:13

Shina nicpimi, paicunapac jahualla churanata utca llucchishpa, Jehú saruna gradapi churarca. Cashna ruhuashca quipami, cornetapi tocashpaca: «¡Jatun mandacca Jehumi!» nircacuna.

2 REYES 9:23

Shina nicpimi, Joramca caballota cutichishpa, miticushpa callpashpa Ocoziastaca: —¡Ocozías ñucanchicta umashcami!— nirca.

1 CRÓNICAS 12:40

Shinallatac cuchullapi causaccunapish, Isacarpac, Zabulonpac, Neftalipac aillucunapish harinata, higo tandata, chaquishca uvasta, vinota, aceiteta, burrocunapi, camellocunapi, mulacunapi, huagracunapi apachishpa apamurca. Shinallatac huagracunatapish, ovejacunatapish achcatami apamurca. Israel llactapica yalli cushicuimi tiyarca.

2 CRÓNICAS 34:31

Jatun mandacca pai shayarinallapitac shayarishpami, Mandac Diosta catingapac, pai mandashcacunata cazungapac, pai yachachishcacunata, rimashpa quillcashcacunata cazungapac, Dios nishca libropi tucui ima nicushcata tucui shunguhuan, tucui almahuan pactachingapac Diospac ñaupapi ari nirca.

PROVERBIOS 29:2

Cashcata ruhuaccuna miracpica, tucuimi cushicuncuna. Ashtahuanpish Diosta mana manchaccuna mandacpica, gentecunaca llaquirishpami huacancuna.

SAN LUCAS 19:37

Jesús ña Jerusalenman cuchuyashpa, Olivos urcu cuchuta urai ricucpica, pai milagrocunata, mancharinacunata ruhuashcamantami tucui paita catishpa riccunaca cushicushpa, Diosta alli nishpa caparirca.