2 REYES 11:12 - Dios Rimashcata Quillcashcami

¹² Chai quipami Joiada curaca jatun mandac Ocoziaspac churita pushamushpa, coronata churachishpa, Dios-huan ari— ninacushca quillcatapish curca. Chai quipa jatun mandac cachun aceitehuan cahuishpa maquita churashpaca: «¡Jatun mandac, causailla!» nishpa caparircacuna.

2 REYES 11:12 ပူးပေါင်းရင်းမြစ်များ

2 SAMUEL 1:10

Pai macanacuipi urmashpaca, ña mana causaipac cashcata yachashpami, paipacman cuchuyashpa huañuchircani. Quipaca, paipac umamanta coronatapish, paipac maquimanta argollatapish llucchishpami, can amitopacman apamuni— nirca.

2 SAMUEL 12:30

Chai pueblopi jatun mandacpac shuc talento llashac curita charic, sumac rumicunata churashca coronata japishpami, Davidman churachirca. Davidca chai pueblopi tiyac achca valic charinacunatapish apamurcami.

2 SAMUEL 16:16

Davidpac alli ricsishca arquitapuramanta Husai Absalonhuan tupangapac llucshishpaca: —¡Jatun mandaclla, causacunguimi! ¡Jatun mandaclla, causacunguimi!— nirca.

2 SAMUEL 2:4

Chaipimi Judá llactapi causaccuna shamushpa, aceitehuan cahuishpa, paicunata mandac cachun churarca. Chaipi cacpimi Davidtaca: “Saulta Galaad llacta Jabes pueblopi causaccunami enterrarca” nishpa huillarca.

2 SAMUEL 2:7

Cunanca, mana manchashpa alli sinchi maquicuna caichicyari. Cancunata mandac Saúl huañushca cacpipish, Judá llacta gentecunaca ñucatami aceitehuan cahuishpa, mandac cachun churarca» nishpa cacharca.

2 SAMUEL 5:3

Tucui israelcunata pushac yuyaccunami jatun mandac Davidpacman Hebrón puebloman rirca. Chaipimi Davidca Diospac ñaupapi shuc ari ninacuita paicunahuan ruhuarca. Chaillapitacmi Davidta aceitehuan cahuishpa israelcunata jatun mandacta ruhuarca.

1 REYES 1:25

Cunanmi paica huirayashca huagracunata, shuctac animalcunata, achca ovejacunatapish huañuchishpa, jatun micuita ruhuangapac urai rishca. Chai micuimanmi can jatun mandacpac tucui caishuc churicunata, soldadocunata mandaccunata, shinallatac Abiatar curatapish cayashca. Riqui, paicunaca paipac ñaupapimi micushpa ubiashpaca: “¡Jatun mandac Adoniasca causacuchunlla!” nishpa caparicun.

1 REYES 1:34

Chaipimi Sadoc curapish, Dios ima nishcata huillac Natanpish Salomontaca israelcunata jatun mandac cachun aceitehuan cahuinga. Chai quipaca trompetapi tocachishpaca: “¡Jatun mandac Salomón causachun!” nishpa caparinguichic.

1 REYES 1:39

Sadoc curaca Dios-huan tupana huasiman yaicushpa, gachupi aceiteta tallishpa apashpami, Salomontaca aceitehuan cahuirca. Chai quipaca trompetapi tocashpaca: “¡Jatun mandac Salomón causachun!” nishpa, tucui caparirca.

1 REYES 2:44

Cutinllatac jatun mandac, Simeita rimashpaca: «Ñuca taita Davidta piñashpa, tucui mana allita ruhuashpa can llaquichishcataca, allimi yachangui. Mandac Diosca chai llaquillatatacmi canmanpish tigrachigrin.

2 REYES 11:11

Chashnami cuidac soldadocunaca quiquin macanacunata maquipi apashpa shayarirca. Paicunaca Mandac Diospac huasi jahuamanpish, ura ladomanpish altartapish, Diospac huasi chaupipi shayacuc jatun mandactapish muyundita cuidashpami shayacurca.

2 REYES 11:2

Jatun mandac Jorampac ushi Ocoziaspac pani Josabaca Ocoziaspac churi Joasta pacalla apashpami pacarca. Joasca jatun mandaccunapac churicunapuramantami carca. Atalía ama ricuchunmi huiñachic mamandi sueñuna ucupi pacarca. Chashnami paitaca mana huañuchirca.

2 REYES 11:4

Ashtahuanpish canchis huata tucucpimi, Joiada curaca patsac soldadocunata, mandana huasita cuidaccunata tandachishpa, Mandac Diospac huasi ucuman pusharca. Chai huasi ucupimi paicunahuan shuclla yuyai tucushpa ari ninacurca. Chai quipami jatun mandac Ocoziaspac churi Joastaca ricuchirca.

2 REYES 9:13

Shina nicpimi, paicunapac jahualla churanata utca llucchishpa, Jehú saruna gradapi churarca. Cashna ruhuashca quipami, cornetapi tocashpaca: «¡Jatun mandacca Jehumi!» nircacuna.

2 REYES 9:3

Chai quipaca gachupi cac aceiteta japishpa, paipac umapi cahuingui. Chashna cahuishpaca: “Mandac Diosca: ‘Ñucami cantaca Israel llactata jatun mandac cachun aceitehuan cahuini’ ninmi” ningui. Chai quipaca punguta pascashpa utca shamungui, ama shayaringuichu» nirca.

2 CRÓNICAS 23:11

Chai quipami jatun mandacpac churitaca llucchimushpa, coronata churachircacuna. Ima shina causanata Dios yachachishca shimicunatapish cushpami jatun mandacmi nishpa huillarcacuna. Joiada curapish, paipac churicunapish aceitehuan cahuishpami: «¡Jatun mandacca causachunlla!» nishpa caparircacuna.

ESTER 2:17

Jatun mandacca Estertaca tucui huarmicunamanta yallimi ashtahuan cuyarca. Esterca carihuan manarac chayarishca, tucui solteracunamanta yalli allimi jatun mandacpac ñaupapica ricurirca. Chaimantami paitaca jatun mandaccuna churarina coronata paipac umapi churachishpa, Vasti huarmipac randi jatun mandac cachun churarca.

ESTER 6:8

jatun mandac churarinata apamushpa churachichun. Jatun mandac montana caballota apamushpa montachichun. Umapica jatun mandacpac coronata churachichun.

SALMOS 132:18

Paita piñaccunamanca churanata churachic shinami pingaichisha. Ashtahuanpish paipac umapica, jagan nicuc coronatami churachisha» nirca.

SALMOS 21:3

Sumac allicunahuanmi tuparcangui. Umapica sumac curi coronatami churachircangui.

SALMOS 21:4

Causaita mañacpipish curcanguimi. Unaita causachunmi achca huatacunata curcangui.

SALMOS 47:1

¡Tucui llactapi causaccuna maquita huactaichicyari! ¡Yallita cushicushpa caparishpa Diosta cantaichicyari!

SALMOS 78:5

Diosmi Jacobopac huahuacunamanca ima shina causanata yachachishpa, israelcunamanca mandashcata curca. Chaicunataca ñaupa taitacunamanmi paicunapac huahuacunamanpish, ñucanchicmanpish yachachichun mandarca.

SALMOS 89:39

Canta servic-huan ari nishcatapish paquishcanguimi. Paipac coronatapish sarushpami yangapi churashcangui.

SALMOS 98:8

Jatun yacucunapish maquita huactac shina cushicuichicyari. Urcucunapish tucui mashna cushicuichicyari.

ÉXODO 25:16

Chai Arcapica ñuca mandashca quillcata churangui. Chaitaca ñucami cusha.

ÉXODO 31:18

Sinaí urcupi Mandac Dios Moises-huan parlanacushpaca, chunga mandashcacunatami paipac maqui dedohuan ishcai tabla rumipi quillcashpa, Moisesman curca.

ISAÍAS 55:12

Cushillami Babiloniamantaca llucshinguichic. Ima mana tucushpami, allilla cutinguichic. Urcucunapish, lomacunapish cancunapac ñaupapimi cantanga. Pambapi tiyac yuracunapish cushicushpami maquita huactanga.

ISAÍAS 8:16

Ñucaca: “Cai huillashpa yachachishcataca ñucata caticcunapurapi sellashpa huacaichic shina charichic” nircani.

ISAÍAS 8:20

¡Dios mandashcacunapi ricuichic! Chaipi mana chashna huillacucpica, amsa yuyaihuanmi canga.

LAMENTACIONES 4:20

Mandac Dios aceitehuan cahuishca jatun mandactapish prezu apancunami. Paica ñucanchicman causaita cuc shinami carca. Ñucanchicca paimantaca: «Shuctac llactacunapac chaupipica paipac ladopimi causashun» nicmi carcanchic.

DANIEL 3:9

Chashnami jatun mandac Nabucodonosortaca: —¡Jatun mandaclla, canca huiñaitami causangui!

DANIEL 6:21

Shina nicpimi, Danielca jatun mandactaca: —¡Jatun mandaclla, huiñaitami causangui!

SAN MATEO 21:9

Chashnami huashata riccunapish, ñaupashpa riccunapish: «¡Mandac Davidpac aillupuramanta Apunchic Jesús quishpichiyari! ¡Dios cachashca shamucca, alli nishca cachun! ¡Jahua pachapipish alli nishca cachun!» nishpa caparircacuna.

SAN MATEO 27:29

Cashamanta ahuashca coronata umapi churachishpami, shuc taunata alli maquipi charichirca. Chashna nic tucushpalla, paipac ñaupapi cungurishpaca: —¡Israelcunata Jatun Mandac, canca allimari cangui!— nircacuna.

HECHOS 4:27

Chashna nishca shinami, cai pueblota mandac Herodesca Poncio Pilatohuanpish, israelcunahuanpish, mana israelcunahuanpish jucha illac Jesusta llaquichingapac tandanacurca. Diosmi Jesustaca Cristo cachun cacharca.

2 CORINTIOS 1:21

Diosmi ñucanchictapish, cancunatapish Cristohuan shuc shinallatac ruhuashpa, acllashpa sinchita charicun.

HEBREOS 1:9

Canca cashcata ruhuanatami munangui. Mana allita ruhuanataca piñashcanguimi. Chaimantami cambac Dios ñucaca, caishuccunamanta yalli canman cushicuita cungapac canta acllashcani nini” ninmi.

HEBREOS 2:9

Ashtahuanpish Jesusta, ashacamanlla angelcunamanta asha yangallata ruhuashpapish, llaquita apashpa huañushcamantami sumacyachishca, alli nishcata ruhuashca. Chaica, Dios cuyashcamantami, Jesusca tucuipac allipac huañurca.

APOCALIPSIS 19:12

Paipac ñahui murucunaca nina shinami jagan nicurca. Umapica tauca coronacunami carca. Paipica pipish mana entendipac shutimi carca. Chai shutitaca paillami yacharca.

1 SAMUEL 10:1

Chai quipami Samuelca pai charishca botellamanta aceiteta Saulpac umapi tallishpa muchashpaca: —Cantaca Mandac Diosmi pai acllashca israelcunata mandachun aceiteta tallishpa cahuirca.

1 SAMUEL 10:24

Chaimantami Samuelca israelcunataca: —Mandac Dios acllashca runataca ñami ricunguichic. ¡Tucui israelpuramantaca pai shinaca shucllapish mana tiyan!— nirca. Shina nicpimi, israelcuna cushicushpaca: —¡Jatun mandacca causachunlla!— nishpa caparircacuna.

1 SAMUEL 16:13

Shina nicpi, Samuelca aceitehuan cac gachuta japishpa, Davidtaca paipac huauquicuna ricucucpi aceitehuan umata cahuirca. Chai punzhamanta pachami Mandac Diospac Espirituca Davidpacman shamurca. Chai quipaca Samuelca Ramá pueblomanmi cutirca.