2 REYES 11:11 - Dios Rimashcata Quillcashcami

¹¹ Chashnami cuidac soldadocunaca quiquin macanacunata maquipi apashpa shayarirca. Paicunaca Mandac Diospac huasi jahuamanpish, ura ladomanpish altartapish, Diospac huasi chaupipi shayacuc jatun mandactapish muyundita cuidashpami shayacurca.

2 REYES 11:11 ပူးပေါင်းရင်းမြစ်များ

2 REYES 11:10

Chaipimi Joiada curaca Mandac Diospac huasipi tiyac jatun mandac Davidpac lanzacunata, escudocunata patsac soldadocunata mandaccunaman curca.

2 REYES 11:12

Chai quipami Joiada curaca jatun mandac Ocoziaspac churita pushamushpa, coronata churachishpa, Dios-huan ari— ninacushca quillcatapish curca. Chai quipa jatun mandac cachun aceitehuan cahuishpa maquita churashpaca: «¡Jatun mandac, causailla!» nishpa caparircacuna.

2 REYES 11:8

Jatun mandacpac muyundita shayarishpami, macanacunata maquipi apashpa cuidana canguichic. Maijanpish cancunapac chaupiman yaicucpica, huañuchinguichic. Jatun mandac maiman llucshicpipish, cutimucpipish paihuanmi cana canguichic» nishpami mandarca.

2 CRÓNICAS 6:12

Shina nishca quipami Salomonca mandac Diospac altar ñaupapi shayarishpa, tucui tandanacushca israelcunapac ñaupapi maquita chutarca.

ÉXODO 40:6

Chai quipaca ñucaman cushpa rupachina altartaca ñucahuan tupana huasi pungu yaicuna ñaupapi churangui.

EZEQUIEL 8:16

Chaimantaca Mandac Diospac huasi ucu canzha pambamanmi pusharca. Chaipica Mandac Diospac huasiman yaicuna punguhuan altarhuan tupanacuipi ishcai chunga pichca runacunatami ricurcani. Paicunaca Mandac Diospac huasita huashaman churashpa, inti llucshic ladota ricushpami cumurishpa, intita alli nicurca.

JOEL 2:17

Mandac Diospacta ruhuac curacunaca pungu yaicuna altar chaupipi shayarishpa: “Mandac Dioslla, can acllashcacuna mana allita ruhuashcataca perdonaiyari. Paicunata burlashpa pingaichichun ama saquinguichu. Shuctac llactacuna mandachunpish ama saquinguichu. Shuctac gentecunaca: ‘¿Maipitac paipac Mandac Diosca?’ ningami” nishpa mañaichicyari.

SAN MATEO 23:35

Cashcata ruhuaccunata huañuchishcamantaca, cancunatami Diosca llaquichinga. Abelpac yahuarmanta callarishpa, Berequiaspac churi Zacariaspac yahuarcamanmi cancunataca taripashpa llaquichinga. Zacariastaca Diosta mañana huasipi tiyac altar ladopimi huañuchirca.

SAN LUCAS 11:51

Abelta huañuchishca yahuarmanta callarishpa, Zacariasta huañuchishca yahuarcamanmi cunan punzha causaccunataca juchanchinga, chashnami canga. Zacariastaca, Diosta mañana huasipi tiyac altar ladopimi huañuchirca.