2 REYES 10:35 - Dios Rimashcata Quillcashcami

³⁵ Jehú huañushpa, paipac taitacunahuan tandanacugricpica, Samaria pueblopimi enterrarca. Paipac randica, paipac churi Joacazmi mandai callarirca.

2 REYES 10:35 ပူးပေါင်းရင်းမြစ်များ

2 SAMUEL 7:12

Can ña unaita causashpa cambac taitacunahuan enterrashca cacpica, cambac huahuacunamantami shucta acllashpa cambac mandanapi churashpa, can mandanataca allichisha.

1 REYES 1:21

Can mana chashna ruhuacpica, ñuca amo can jatun mandac huañushpa cambac ñaupa taitacunahuan tandanacugrishca quipaca ñucapish, ñuca huahua Salomonpish juchanchishcami cashun— nirca.

1 REYES 14:20

Jeroboamca ishcai chunga ishcai huatatami mandarca. Pai huañushpa, paipac ñaupa taitacunahuan tandanacucpica, paipac randica paipac churi Nadabmi mandarca.

1 REYES 14:31

Roboam huañushpa, paipac ñaupa taitacunahuan tandanacucpica, paipac taitacunata enterrashca ladollapitacmi Davidpac pueblopi enterrarca. Paipac mamaca amonitapuramanta Naamami carca. Paipac randica paipac churi Abiasmi mandarca.

1 REYES 2:10

David huañushpa, paipac taitacunahuan tandanacucpica, paipac pueblollapitacmi enterrarca.

2 REYES 10:30

Chaimantami Mandac Diosca Jehutaca: «Chashna huañuchishpa ñuca ñaupapi tucuchishpaca allitami ruhuashcangui. Acabpac huasi ucupuracunataca ñuca shungupi yuyashca shinami ruhuashcangui. Chaimantami cambac huahua huahuacunaca chuscu miraicaman Israel llactata mandangapac tiyaringacuna» nirca.

2 REYES 10:34

Jehupac shuctac ruhuashcacunapish, imacunallata ruhuashcacunapish, alli sinchi cashcacunapish israelcunata jatun mandaccuna imata ruhuashcata quillcashcapimi tiyacun.

2 REYES 10:36

Jehuca ishcai chunga pusac huatatami israelcunata Samaria pueblopi mandarca.

2 REYES 13:1

Ocoziaspac churi Joás Judá llactata ishcai chunga quimsa huatata mandacucpimi, Jehupac churi Joacazca Israel llactata mandai callarirca. Paica chunga canchis huatatami Samaria pueblopi israelcunata mandarca.

2 REYES 13:9

Joacaz huañushpa, paipac ñaupa taitacunahuan tandanacucpica, Samaria pueblopimi enterrarca. Paipac randica, paipac churi Joasmi mandarca.