2 REYES 10:30 - Dios Rimashcata Quillcashcami

³⁰ Chaimantami Mandac Diosca Jehutaca: «Chashna huañuchishpa ñuca ñaupapi tucuchishpaca allitami ruhuashcangui. Acabpac huasi ucupuracunataca ñuca shungupi yuyashca shinami ruhuashcangui. Chaimantami cambac huahua huahuacunaca chuscu miraicaman Israel llactata mandangapac tiyaringacuna» nirca.

2 REYES 10:30 ပူးပေါင်းရင်းမြစ်များ

1 REYES 20:42

Shina ricsicpimi paica: —Mandac Diosca: “Ñuca huañuchingapac chicanyachishca runata cambac maquimanta cacharishpa cachashcamantaca canmi paipac randi huañungui. Cambac gentecunami paipac gentecunapac randi huañunga” ninmi— nirca.

1 REYES 21:22

Cambac familiataca Nabatpac churi Jeroboampac familiata shina, Ahiaspac churi Baasapac familiata shinami ruhuagrini. Ñucata mana cazushpa, llaquichishcamanta, israelcunatapish juchata ruhuachishcamantami chashnaca ruhuagrini” ninmi.

1 REYES 21:29

«¿Acab ñucapac ñaupapi mai llaquilla tucushcataca ricunguichu? Pai chashna mai llaquilla tucushcamantami pai causacui punzhapica mana llaquichishpa, ashtahuanpish paipac churi mandacui punzhacunapi paipac familiataca llaquichigrini» nirca.

2 REYES 10:35

Jehú huañushpa, paipac taitacunahuan tandanacugricpica, Samaria pueblopimi enterrarca. Paipac randica, paipac churi Joacazmi mandai callarirca.

2 REYES 13:1

Ocoziaspac churi Joás Judá llactata ishcai chunga quimsa huatata mandacucpimi, Jehupac churi Joacazca Israel llactata mandai callarirca. Paica chunga canchis huatatami Samaria pueblopi israelcunata mandarca.

2 REYES 13:10

Judá llactata jatun mandac Joás quimsa chunga canchis huatata mandacucpimi, Joacazpac churi Joasca Israel llactata Samaria pueblopi mandai callarirca. Paica chunga sucta huatatami mandarca.

2 REYES 14:23

Judá llactata jatun mandac Joaspac churi Amasías chunga pichca huatata mandacucpimi, Joaspac churi Jeroboamca Israel llactata mandai callarirca. Paica chuscu chunga shuc huatatami Samaria pueblopi mandarca.

2 REYES 14:29

Jeroboam huañucpica, Israel llactata jatun mandaccuna enterrashcallapitacmi enterrarca. Paipac randica paipac churi Zacariasmi mandarca.

OSEAS 1:4

Chaimantami Mandac Diosca Oseastaca: «Chai huahuataca Jezreelta shutichi. Chaica, asha punzhacuna quipaca Jezreel runacunata huañuchishcamantami Jehupac huahua huahuacunataca llaquichisha. Shinallatac israelcunata mandaccunatapish tucuchishami.

LEVÍTICO 26:25

Ñucahuan ari nishcata mana cazushcamantaca ñucapish chashnallatacmi cancunataca espadahuan llaquichiccunata cachashpa llaquichisha. Chai llaquimanta cancunapac llactapi miticugricpipish, jatun ungüita cachashpami, cancunata piñaccunapac maquipi churasha.