2 REYES 10:29 - Dios Rimashcata Quillcashcami

²⁹ Tucui chashna ruhuashpapish Jehuca Nabatpac churi Jeroboam israelcunata ruhuachishca juchacunataca mana saquircachu. Chashnami Bet-el pueblopi, Dan pueblopi curimanta ruhuashca becicunata alli ninata mana saquirca.

2 REYES 10:29 ပူးပေါင်းရင်းမြစ်များ

GÉNESIS 20:9

Chai quipa Abimelecca Abrahamta cayachishpaca: —¿Imatatac ruhuarcangui? Ñucatapish, ñuca mandacuc llactatapish jatun juchata ruhuachingapac shamuchunca, ¿ñucanchicca cantaca ima millaitatac ruhuashcanchicyari? Mana ruhuana cashcatami ruhuashcangui.

1 REYES 14:16

Jeroboam juchata ruhuashpami, israelcunatapish juchapi urmachishca. Chaimantami Diosca Jeroboam juchata ruhuashcamantaca israelcunataca shucpac maquipi churanga» nirca.

2 REYES 10:28

Shinami Jehuca Israel llactapi Baal diosta tucuchirca.

2 REYES 10:31

Ashtahuanpish Jehuca israelcunata Mandac Dios mandashcataca mana tucui shunguhuan cazurcachu. Israelcunata Jeroboam ruhuachishca juchacunatapish mana saquircachu.

2 REYES 13:11

Ashtahuanpish Mandac Diospac ñaupapica mana allitami ruhuarca. Nabatpac churi Jeroboam israelcunata juchata ruhuachishca shinallatacmi juchata ruhuashpa catirca. Chai juchacunata ruhuanataca mana saquircachu.

2 REYES 13:2

Paica Nabatpac churi Jeroboam israelcunata juchata ruhuachishca shinallatacmi Mandac Diospac ñaupapica mana allita ruhuashpa, juchallishpa catirca.

2 REYES 14:24

Mandac Diospac ñaupapica mana allitami ruhuarca. Nabatpac churi Jeroboam israelcunata juchata ruhuachishca shinallatacmi juchata ruhuashpa catirca.

2 REYES 15:18

Mandac Diospac ñaupapica mana allita ruhuashpami causarca. Nabatpac churi Jeroboam israelcunata juchata ruhuachishca shinallatacmi punzhanta juchallishpa catirca.

2 REYES 15:24

Mandac Diospac ñaupapica mana allita ruhuashpami causarca. Nabatpac churi Jeroboam israelcunata juchata ruhuachishca shinallatacmi ruhuashpa catirca.

2 REYES 15:28

Mandac Diospac ñaupapica mana allita ruhuashpami causarca. Nabatpac churi Jeroboam israelcunata juchata ruhuachishca shinallatacmi ruhuashpa catirca.

2 REYES 15:9

Paica ñaupa taitacuna shinallatacmi Mandac Diospac ñaupapi mana allita ruhuarca. Paica Nabatpac churi Jeroboam israelcunata juchacunata ruhuachishca shinallatacmi ruhuashpa, Mandac Diospac ñaupapica catirca.

2 REYES 17:22

Israelcunaca Jeroboam tucui ruhuashcata catishpami juchata ruhuashpa catircacuna.

2 REYES 3:3

Shina cashpapish, Nabatpac churi Jeroboam shinallatacmi paica tucui israelcunata juchata ruhuachishpa catirca. Chai juchamantaca mana anchurircachu.

ÉXODO 32:21

Shinami Moisesca Aarontaca: —Cai gentecunaca, ¿imatatac cantaca ruhuarcayari? ¿Ima nishpatac jatun juchata ruhuangacaman saquircanguiyari?— nirca.

ÉXODO 32:4

Aarón chaicunata japishpa, yacuyachishpami, beci diosta ruhuarca. Shina ruhuacpimi paicunaca: —¡Caimi, israelcunata Egiptomanta llucchic diosca!— nirca.

EZEQUIEL 23:8

Egiptopi huainayanata callarishcataca manatac saquircachu. Paihuanca huambramanta pachami huainayarca. Paipac chuchuta japirishpami yallita munarirca.

OSEAS 10:5

Samariapi causaccunaca Bet-avenpi tiyac beci dioscunatami manchanga. Chaipi causaccunapish duelo churanatami churaringa. Chai beci diosta sumaimanami cangui nic curacunapish chai dioscunata apacpi, yallitami huacanga.

OSEAS 13:2

Cunanpish paicuna munashca shinami cullquita yacuyachishpa, imaman riccha dioscunata, ruhuashcalla dioscunata ruhuashpa yallita juchallincuna. Chashna ruhuashpami: “Cai dioscunaman animalta cushpa huañuchichic” nincuna. Shina nicpica, chai beci dioscunatami gentecunaca muchancuna.

1 SAMUEL 2:24

Ñuca huahuacunalla, mana chashna ruhuanachu canguichic. Cancunata mana alli nishpa parlanacushcaca mana alli uyarinchu. Mandac Dios acllashcacunatami juchata ruhuachinguichic.