2 REYES 10:11 - Dios Rimashcata Quillcashcami

¹¹ Chashnami Jehuca Jezreel pueblopi saquirishca Acabpac huasi ucupuracunata tucui huañuchirca. Shinallatac Jehuca Acab churashca tucui mandaccunatapish, paicunapac huasi ucupuracunatapish, Acabpac curacunatapish, shucllatapish mana saquishpami tucui huañuchirca.

2 REYES 10:11 ပူးပေါင်းရင်းမြစ်များ

1 REYES 14:10

Chaimantami Jeroboampac huahua huahuamanca jatun llaquita cachagrini. Jeroboampac huahua huahuacunataca servic cachun mana servic cachun tucui caricunatami israelcunapuramantaca tucuchisha. Jeroboampac huahua huahuacunataca mapata pichac shinami tucuita chingachisha.

1 REYES 15:29

Pai mandai callarishpaca, Jeroboampac huasi ucupurataca shucllatapish mana saquishpami, tucui huañuchirca. Jeroboampac huahua huahuacunataca Diosta servic Ahiasman Mandac Dios huillachishca shinallatacmi chashna ruhuarca. Ahiasca Silo pueblopimi causarca.

1 REYES 16:11

Mandangapac tiyarinapi Zimri tiyarishpaca, Baasapac tucui huasi familiatapish, ricsishcacunatapish shucllatapish mana saquishpami paipac huasi ucupuratapish, tucui huañuchirca.

1 REYES 18:19

Cunanca, tucui israelcunata Carmelo urcupi tandachichun maijancunata cachai. Shinallatac Baal diosmanta huillac chuscu patsac pichca chunga runacunatapish, Asera huarmi diosmanta huillac chuscu patsac runacunatapish tandachi. Paicunamanca Jezabelmi micunata carashpa charicun— nirca.

1 REYES 18:40

Chaimantami Eliasca: «¡Baal diosmanta huillaccunata shucllapish ama miticuchun, tucui japichi!» nirca. Shina nicpimi, tucui japircacuna. Shina japicpica, Cisón huaicuman apashpami, chai huillaccunataca cungata pitishpa huañuchirca.

1 REYES 21:22

Cambac familiataca Nabatpac churi Jeroboampac familiata shina, Ahiaspac churi Baasapac familiata shinami ruhuagrini. Ñucata mana cazushpa, llaquichishcamanta, israelcunatapish juchata ruhuachishcamantami chashnaca ruhuagrini” ninmi.

1 REYES 21:29

«¿Acab ñucapac ñaupapi mai llaquilla tucushcataca ricunguichu? Pai chashna mai llaquilla tucushcamantami pai causacui punzhapica mana llaquichishpa, ashtahuanpish paipac churi mandacui punzhacunapi paipac familiataca llaquichigrini» nirca.

1 REYES 22:6

Shina nicpimi, Israel llactata jatun mandacca Diosmanta huillac chuscu patsac runacunata tandachishpaca: —¿Galaad llacta Ramot pueblopi causaccunahuan macanacungapac rishachu, mana cashpaca saquishachu?— nirca. Shina nicpimi paicunaca: —Rilla, Mandac Diosca chai pueblopi causaccunataca jatun mandacpac maquipimi churanga— nirca.

2 REYES 10:12

Chai quipaca Samaria puebloman ricushpami, michiccuna ovejata rutuna huasiman chayarca.

2 REYES 23:20

Shinallatac lomacunapi tiyac altarcunapi, cac curacunatapish chai altar jahuallapitac huañuchishpami tullucunatapish chaillapitac rupachirca. Chai quipami Josiasca Jerusalenman cutimurca.

2 REYES 9:7

Canta mandac Acabpac huasi ucupurataca canmi huañuchingui. Chashna ruhuashpami ñuca ima nishcata huillaccunata, tucui ñucata serviccunata huañuchishpa, yahuarta jichashcamantaca paicunatapish chashnallatac huañuchingui. Chai serviccunataca Jezabelmi huañuchichirca.

2 REYES 9:9

Acabpac huasi ucupurataca Nabatpac churi Jeroboampac huasi ucupurata, Ahiaspac churi Baasapac huasi ucupurata shinami tucuchigrini.

2 CRÓNICAS 22:7

Ocozías Joramta ricungapac rishpa, huañuna cashcataca Mandac Diosllatacmi munarca. Mandac Diosmi Nimsipac churi Jehutaca Acabpac huasi ucupurata huañuchichun, aceitehuan cahuishpa acllashca carca. Ocoziasca Jorampacman chayashpami, Jehuhuan tupangapac Joramllahuantac llucshirca.

2 CRÓNICAS 22:8

Jehuca Acabpac huasi ucupuracunata huañuchishca quipaca, Judá llactapi causaccunata mandaccunahuanpish, Ocoziaspac huauquicunapac churicunahuanpish tuparcami. Paicunaca Ocoziasta serviccunami carca. Paicunatapish huañuchircami.

JOB 18:19

Paipac aillupurapica, churicunatapish, nietocunatapish mana charingachu. Pipish paipac huasipica mana causangachu.

SALMOS 109:13

Paipac huahua huahuacunapish tucui tucuchishca cachun.

SALMOS 125:5

Ashtahuanpish Diosmanta anchurishpa, millaita ruhuaccunataca millaita ruhuaccunallahuantacmi cachanga. ¡Israelcunamanca cushi causai tiyachun!

PROVERBIOS 13:20

Yachaisapa runacunahuan tandanacucca yachaisapami tucunga. Ashtahuanpish yuyai illac runacunahuan tandanacucca paipish yuyai illacmi tucun.

OSEAS 1:4

Chaimantami Mandac Diosca Oseastaca: «Chai huahuataca Jezreelta shutichi. Chaica, asha punzhacuna quipaca Jezreel runacunata huañuchishcamantami Jehupac huahua huahuacunataca llaquichisha. Shinallatac israelcunata mandaccunatapish tucuchishami.

JOSUÉ 10:30

Mandac Dios chai pueblopi causaccunatapish, chai pueblota jatun mandactapish israelcunapac maquipi churacpimi, paicunaca chai pueblopi causaccunataca shucllatapish mana saquishpa, tucuita espadahuan chugrichishpa huañuchirca. Chai Libna pueblota jatun mandactaca Jericó pueblota mandacta shinallatacmi huañuchirca.

JOSUÉ 11:8

Israelcunapac maquipi Mandac Dios churacpimi, paicunata atishpa, Sidón jatun pueblocaman, Misrefot-maim pueblocaman inti llucshina ladopi tiyac Mizpa pugru pambacaman catishpa rircacuna. Chashnami shucllatapish mana saquishpa, tucui huañuchircacuna.

JOSUÉ 15:56

Jezreel, Jocdeam, Zanoa,

APOCALIPSIS 19:20

Chai manchana animaltapish, llullashpa huillactapish prezumi japircacuna. Chai llullashpa huillacca chai manchana animalpac ñaupapimi pi mana ruhuaipaccunata ruhuashpa ricuchic carca. Cai ruhuashcacunahuanmi chai llullashpa huillacca manchana animalpac shutita frentepi chariccunatapish, shinallatac chai animalman ricchata alli niccunatapish umashca carca. Chai ishcaicunataca causactami azufrehuan rupacuc nina cuchapi shitashca carca.

APOCALIPSIS 20:10

Chai llullashpa crichic diablotaca azufrehuan rupacuc nina cuchamanmi shitashca carca. Chaillapitami llullashpa huillacpish, manchana animalpish shitashca carca. Chaipica tutapish, punzhapish huiñaitami llaquichishca canga.