2 REYES 1:9 - Dios Rimashcata Quillcashcami

⁹ Chai quipami Ocoziasca pichca chunga soldadocunata paicunata mandac-huan Eliaspacman cacharca. Paicuna chayacpica, Eliasca urcu jahuapimi tiyacushca carca. Chaipimi soldadocunata mandacca: —Diospac runalla, jatun mandacca: “Canta urai shamuchun” ninmi— nirca.

2 REYES 1:9 ပူးပေါင်းရင်းမြစ်များ

1 REYES 17:18

Chaimantami chai huarmica Eliastaca: —Diospac runa cantaca ¿Ima mana allitatac ruhuashcaniyari? ¿Ñuca juchacunata yuyachishpa, ñuca cari huahuata huañuchingapacchu ñucapacman shamurcangui?— nirca.

1 REYES 18:10

¡Canta Mandac Diospac shutipimi nini: Tucui llactacunaman, tucui mandaccunapacmanmi ñucata mandac Acabca canta mashcachun cacharca! Paicunaca: “Eliasca mana caipichu” nircami. Shina nicpipish, tucui chai mandaccunatapish, llactacunapi causaccunatapish canta mana ricushcataca cutinpish, cutinpish allimi huillachic carca.

1 REYES 18:4

Jezabel Mandac Dios ima nishcata huillaccunata huañuchicucpica, Abdiasmi chai huillaccunamantaca patsac runacunata apashpa pichca chungataca shuc jatun jutcupi, caishuc pichca chungataca shuctac jatun jutcupi pacarca. Shina pacashpaca, tandata, yacutapish cararcami.

1 REYES 18:42

Shina nicpimi, Acabca micushpa, ubiashpa tiyacungapac huichai rirca. Eliasca Carmelo urcu jahuaman rishpami cungurishpa, paipac ñahuitaca mucu chaupipi churarca.

1 REYES 19:2

Shina huillacpimi, Jezabel Eliasman huillachun shuc huillacta cachashpaca: «Chai huillaccunata huañuchishca shinallatac cantapish caya cashna horasllatatac mana huañuchicpica, ñucatapish dioscunaca yallita llaquichichun» nishpami huillachun cacharca.

1 REYES 22:8

Shina nicpi, Israel llactata jatun mandacca Josafattaca: —Mandac Dios ima nishcata huillac shuc runaca tiyanracmi. Paica Imlapac churi Micaiasmi. Paica allitaca mana huillanchu ashtahuanpish mana allitami huillan. Chaimantami paitaca mana ricunayan— nirca. Shina nicpimi Josafatca: —Jatun mandac, ama chashna nichu— nirca.

2 REYES 2:25

Eliseoca chai pueblomantaca Carmelo urcumanmi rirca. Chaimantaca Samaria pueblomanmi cutirca.

2 REYES 4:25

Chashna utca rishpami, Carmelo urcupi Diospac runapacman chayarca. Diospac runaca chai huarmita carupi ricushpami, paita servic Giezitaca: —Riqui, chaitaca sunamita huarmimi shamucun.

JEREMÍAS 35:4

Mandac Diospac huasiman pushamurcani. Chaica, Diosta servic Hananpac churicunapac huasimi carca. Hananca Igdaliaspac churimi carca. Chai huasica mandaccunapac huasi ladopi, Diospac huasi pungupi cuidac Maasiaspac huasi jahua altopimi carca. Maasiasca Salumpac churimi carca.

AMÓS 7:12

Chaimantami Amasiasca Amostaca: —Dios ricuchishcata huillac caimanta llucshishpa, Judá llactallaman ri. Chaipi Dios huillashpa micunatapish charigri.

SAN MATEO 14:3

Herodesca paipac huauqui Felipepac huarmi Herodías nishcata uyashpami, Juantaca cadenahuan huatashpa, carcelpi churachishca carca.

SAN MATEO 26:68

—Cristo cashpaca, pi canta huactacta huillai— nircacuna.

SAN MATEO 27:29

Cashamanta ahuashca coronata umapi churachishpami, shuc taunata alli maquipi charichirca. Chashna nic tucushpalla, paipac ñaupapi cungurishpaca: —¡Israelcunata Jatun Mandac, canca allimari cangui!— nircacuna.

MARCOS 15:29

Chaita pasaccunaca umata cuyuchishpa, camishpaca: —¡Jai, canca “Diosta mañana huasita urmachishpaca, quimsa punzhapi cutin shayachishallami” nircanguica!

MARCOS 15:32

¡Israelcunata Jatun Mandac Cristo cashpaca, cunanllatac chacatashcamanta uricui, chaita ricushpaca, ñucanchicpish crinchicmanmi!— nircacuna. Jesus-huan pacta chacatashca runacunapish, camishpa rimarcami.

SAN LUCAS 9:54

Chaimantami Jesuspac yachacuccunapuramanta Juanpish, Jacobopish: —Apunchic Jesús, caipi causaccunata tucuchichun, ¿Elías mañashca shina, jahua pachamanta ninata cachachun mañashunchu?— nirca.

HEBREOS 11:36

Cutin shuccunaca burlashpa asishcapish, macashcapish, cadenahuan huatashcapish, carcelpipish carcami.

1 SAMUEL 19:21

Chaita yachashpami Saulca shuccunata cutin cacharca. Paicunapish Diosmanta huillai callarircacunami. Chashna tucucpimi, cutinllatac Saulca shuctac runacunata cacharca. Caihuanca ña quimsa cutinmi cacharca. Paicunapish chashnallatacmi Diosmanta huillai callarirca.