2 REYES 1:4 - Dios Rimashcata Quillcashcami

⁴ Chaimantami Mandac Diosca: “Can siricuc camamantaca mana uricunguichu, ashtahuanpish huañunguitacmi” ninmi nigri» nirca. Chaimantami Eliasca tupangapac rirca.

2 REYES 1:4 ပူးပေါင်းရင်းမြစ်များ

GÉNESIS 2:17

Ashtahuanpish alli cashcata, mana alli cashcata yachachic yuramantaca ama micunguichu. Ima punzhami chai yuramanta micungui huañunguitacmi» nirca.

GÉNESIS 3:4

Culebraca huarmitaca: —Mana huañunguichicchu,

1 REYES 14:12

Canca jatarishpa, cambac huasiman rilla. Bet-el puebloman can chayacucpica, ñami cambac huahuaca huañunga.

1 REYES 18:2

Shina nicpimi, Eliasca Acabpac ñaupapi ricurigrirca. Samaria pueblopica jatun yarcaimi tiyarca.

2 REYES 1:16

rishpaca: —Mandac Diosca: “Israel llactapi mana Dios tiyacpi shina Ecrón pueblopi tiyac Baal-zebub diosman tapuchun cachashcamantaca, can siricuc camamantaca mana uricunguichu, ashtahuanpish huañunguitacmi” ninmi— nirca.

2 REYES 1:5

Huillaccuna jatun mandacpacman cuticpica, jatun mandacca: —¿Imapactac cutimunguichic?— nirca.

2 REYES 1:6

Shina nicpimi paicunaca: —Shuc runami ñucanchic-huan tupashpaca: “Cancunata cachac jatun mandacpacman cutishpa, Mandac Diosca: ‘Ecrón pueblopi tiyac Baal-zebub diosman tapuchun cachachunca Israel llactapica, ¿manachu Dios tiyan? Chaimantami can siricuc camamantaca mana uricunguichu. Ashtahuanpish huañunguitacmi’ ninmi” nigrichic— nirca.

2 REYES 20:1

Chai punzhacunami Ezequiastaca huañuna ungüi japirca. Shina cacpimi Dios ima nishcata huillac Amozpac churi Isaías paipacman rishpaca: —Mandac Diosca: “Canca huañugringuimi, ña mana causanguichu. Chaimanta cambac huasi ucupurataca imata nina cashpapish utca ningui” ninmi— nirca.

2 REYES 8:10

Shina nicpimi Eliseoca: —Ari, chai ungüimantaca alliyanguimi ninmi nigri. Shina cacpipish, Mandac Diosca pai huañuna cashcatami ricuchin— nirca.

PROVERBIOS 11:19

Cashcata ruhuac runaca causaitami charinga. Maijanpish mana allita ruhuacca huañungapacmi chashna ruhuacun.

PROVERBIOS 14:32

Diosta mana manchacca pai millaita ruhuashcamantami chingaringa. Ashtahuanpish cashcata ruhuacca huañugricushpapish cuidashcami canga.

EZEQUIEL 18:4

Riquichic, taitapish, churicunapish ñucapacmi. Maijanpish juchayuc runami huañunga.

NÚMEROS 26:65

Paicunataca Mandac Diosllatacmi: «Shitashca pambapi huañungacuna» nishca carca. Chashnami tucui huañushca carca. Ashtahuanpish Jefonepac churi Caleb, Nunpac churi Josuellami saquirishca carca.

1 SAMUEL 28:19

Shinallatac Mandac Diosca israelcunatapish, cantapish filisteocunapac maquipimi churanga. Shina churacpimi, cayaca canpish, cambac churicunapish ñucahuan canguichic. Mandac Diosca Israel soldadocunatapish filisteocunapac maquipimi churanga— nirca.