2 REYES 1:2 - Dios Rimashcata Quillcashcami

² Ocoziasca Samaria llactapi cac paipac huasi ventanamanta urmashpami yallita ungurca. Chaimantami maijan huillaccunata cachashpaca: «Ecrón pueblopi tiyac Baal-zebub diospacman rishpa, ñuca cai ungüimantaca alliyanata, mana alliyanata tapugrichic» nirca.

2 REYES 1:2 ပူးပေါင်းရင်းမြစ်များ

1 REYES 11:33

Ñucata saquishpami, Sidón llactapi causaccunapac Astoret huarmi diosta, Moab llactapi causaccunapac Quemos diosta, Amón llactapi causaccunapac Moloc diosta alli nishpa causancuna. Ñucapac ñaupapi allita ruhuashpa, ñuca yachachishcacunata catishpa, causanata mana munashpami chashna causancuna. Salomonca pactachichun ñuca nishca shimicunata, imata ruhuachun ñuca mandashcacunataca paipac taita David cazushca shinaca mana cazunchu.

1 REYES 14:3

Paiman cungapacca chunga tandata, galletata, mishquitapish shuc mangapi apashpa paipacman ri. Paimi cai huahua ima tucunataca huillanga» nirca.

1 REYES 22:34

Ashtahuanpish shuc soldadomi arcohuan pucllashpalla shitashpa Israel llactata jatun mandactaca macanacungapac sinchi churanata churarishcata pasachishpa chugrichirca. Chaimantami paica carretata apactaca: «¡Carretata muyuchishpa, cai macanacuimanta llucchi. Ñucaca chugrishcami cani!» nirca.

1 REYES 22:40

Acab huañushpaca paipac ñaupa taitacunahuanmi tandarigrirca. Paipac randica paipac churi Ocoziasmi mandarca.

2 REYES 1:16

rishpaca: —Mandac Diosca: “Israel llactapi mana Dios tiyacpi shina Ecrón pueblopi tiyac Baal-zebub diosman tapuchun cachashcamantaca, can siricuc camamantaca mana uricunguichu, ashtahuanpish huañunguitacmi” ninmi— nirca.

2 REYES 1:3

Chaimantami Mandac Diospac ángel tisbitapuramanta Eliastaca: «Samaria pueblota jatun mandacpac huillaccunata tupangapac huichai ri. Paicunataca: “Ecrón pueblo Baal-zebub diosman tapungapac richunca Israel llactapica, ¿manachu Dios tiyan?” ningui.

2 REYES 1:6

Shina nicpimi paicunaca: —Shuc runami ñucanchic-huan tupashpaca: “Cancunata cachac jatun mandacpacman cutishpa, Mandac Diosca: ‘Ecrón pueblopi tiyac Baal-zebub diosman tapuchun cachachunca Israel llactapica, ¿manachu Dios tiyan? Chaimantami can siricuc camamantaca mana uricunguichu. Ashtahuanpish huañunguitacmi’ ninmi” nigrichic— nirca.

2 REYES 17:16

Paicunata Mandac Dios mandashcacunata saquishpami, curita yacuyachishpa ishcai beci dioscunata ruhuarca. Shinallatac Asera huarmi diosman ricchacunatapish ruhuarca. Jahua pacha lucerocunatapish, Baal diostapish servircacuna.

JOB 31:3

¿Diosta mana manchaccunamanpish juchata ruhuaccunamanpish manachu llaquicunaca tiyanga?

CANTARES 2:9

Ñuca cuyashcaca taruga shina, mana cashpaca maltón gacela shinami. Riquichic, paica ñucanchic pirca huashapimi ventanamanta chapacun. Ventanapi churashca caspi huashamantami chapacun.

ISAÍAS 19:3

Egiptopi causaccunapac yuyaita yanga ruhuashpami, paicuna parlanacushcatapish tucuchisha. Shina ruhuacpimi, paicunapac ruhuashcalla dioscunata, adivinocunata, huañushcacunata tapungapac ringacuna.

ISAÍAS 2:6

Mandac Dios, can acllashca Jacobopac huasi ucupuracunataca saquishcanguitacmi. Paicunaca inti llucshina ladopi causaccuna ima shina ruhuashcatami catincuna. Filisteo brujocuna ruhuashca shinallatacmi ruhuacun. Shuctac llacta runacunahuanmi imata ruhuashpa pactachingapac ari ninacun.

ISAÍAS 37:12

Ñucanchic ñaupa taitacuna Gozán, Harán, Resef llactacunapi causaccunatapish, Edén llactapi tiyac Telasar llactapi causaccunatapish tucuchicucpica, ¿maijan dioscuna quishpichi pudircachu?

ISAÍAS 37:19

Chaipi tiyac dioscunatapish rupachircami. Chaicunaca mana dioscunachu carca. Ashtahuanpish runacuna caspimanta, rumimanta ruhuashcallami carca. Chaimantami chashna tucuchirca.

SAN MATEO 10:25

Yachacuc yachachic shina tucushpaca, allimi canman. Servicpish amo shina tucushpaca, allimi canman. Huasipi taita shina ñucata ‘supaicunata mandac Beelzebumi’ nishpaca, cancunatacarin, ¡imatachari ningacuna!

MARCOS 3:22

Jerusalén pueblomanta mandashcacunata yachachiccuna shamushpaca: «Cai runaca supaicunata mandac Beelzebuhuan cashpami, supaicunataca llucchishpa cachan» nircami.

SAN LUCAS 11:15

Cutin maijancunaca: —Supaicunata mandac Beelzebuhuan cashpami, supaicunataca llucchishpa cachan— ninacurca.

HECHOS 20:9

Chaipica Eutico huambrami ventanapi tiyacurca. Pablo unaicaman huillacushcamantami chai huambraca sueñushpa, quimsa alto jahuamanta urmarca. Paita ricungapac ricpica, ñami huañushca cashca carca.

JOSUÉ 15:11

Chaimantaca jahua ladota rishpaca, Ecrón pueblota rishpa, Sicrón pueblota, Baala urcuta muyushpami Jabneel pueblota pasashpa mama cuchaman chayarca.

JUECES 11:24

¿Canca manachu cambac Quemos dios cushcataca, cambac cashcata yuyangui? Shinallatac ñucanchicpish ñucanchicta Mandac Dios ñucanchic ñaupapi quichushpa cushcataca ñucanchicpac cashcatami yuyanchic.

JUECES 5:28

Sisarapac mamaca caspihuan jarcachishca ventanamanta chapashpami: “¿Ima nishpatac paipac carretaca mana shamun? ¿Imamantatac pai macanacuna carretaca quipayan?” nishpami caparishpa tapun.

1 SAMUEL 5:10

Shina cacpimi, Diospac Arcataca Ecrón puebloman cacharca. Diospac Arcata chai Ecrón puebloman cachacpica, chaipi causaccunaca: «¡Israelcunapac Diospac Arcataca ñucanchictapish, ñucanchic gentecunatapish huañuchunmi ñucanchicpacman apamushca!» nishpa caparirca.