2 REYES 1:14 - Dios Rimashcata Quillcashcami

¹⁴ Riqui, ñucapac punta shamuc cai pichca chunga soldadocunata mandaccunataca paicunapac pichca chunga soldadocunandimi jahua pachamanta nina shamushpa rupachishpa tucuchishca. ¡Cunanca, ñuca causaica cambac ñaupapi alli ricurishca cachun!— nirca.

2 REYES 1:14 ပူးပေါင်းရင်းမြစ်များ

2 REYES 1:13

Cutinllatacmi pichca chunga soldadocunata paicunata mandac-huan cacharca. Caihuanca quimsa cutinmi cacharca. Quimsaniqui ric soldadocuna mandac Elías tiyacushcaman chayashpa cungurishpaca: —¡Diospac runalla! ¡Ñuca causaipish, canta servic pichca chunga soldadocunapish cambac ñaupapi alli ricurishca cachun!

2 REYES 1:15

Chaimantami Mandac Diospac angelca Eliastaca: «Paihuan rilla, ama manchaichu» nirca. Shina nicpi, Elías jatarishpa chai mandac-huan jatun mandacpacman

SALMOS 116:15

Pai acllashcacuna huañucpica, Mandac Diosca llaquinmi.

SALMOS 49:8

Causaita quishpichingapacca mashna cullquipish mana pactanchu. Cullquihuanca manatac randi pudinchu.

SALMOS 72:14

Paicunapac causaitaca llullamantapish, llaquimantapish quishpichingami. Paipac ñahuipica paicunapac yahuarca valicmi.

PROVERBIOS 6:26

Cullquimanta huainayac huarmihuan puric runaca, pitishca tanda shinami saquiringa. Cusayuc huarmihuan puric runaca paipac valishca causaitami chingachin.

HECHOS 20:24

Huañuna cacpipish, ñucaca mana llaquirinichu, ashtahuancarin Dios cuyac cashcata Apunchic Jesús huillachun nishcatami huañuna punzhacaman cushicushpa pactachina cani.

1 SAMUEL 26:21

Shina nicpimi Saulca: —Ñuca huahua Davidlla, ñucaca juchatami ruhuashcani. Cunanca cutilla, ashtahuanca mana llaquichishachu. Canca ñuca causaita yalli cuyashpami, cunanca mana huañuchishcagui. Riqui, ñucaca yuyai illac runa shinami, mana allita ruhuashpa pandarishcani— nirca.

1 SAMUEL 26:24

Riqui, cunanca cambac causaita yalli cuyashpami canta mana huañuchircani. Chaimanta Mandac Diospish ñucata cuyashpa tucui llaquimanta huacaichichun— nirca.