2 REYES 1:12 - Dios Rimashcata Quillcashcami

¹² Shina nicpimi Eliasca: —Ñuca Diospac runa cacpica, jahua pachamanta nina shamushpa cantapish, cambac pichca chunga soldadocunatapish rupachishpa tucuchichun— nirca. Shina nicpimi, jahua pachamanta nina shamushpa, paitapish, paipac pichca chunga soldadocunatapish rupachishpa tucuchirca.

2 REYES 1:12 ပူးပေါင်းရင်းမြစ်များ

1 REYES 18:38

Chashna mañacpimi, Mandac Dios jahuamanta ninata cachashpa paiman cushpa tucui rupachina aichatapish, yantatapish, rumitapish, allpatapish rupachirca. Shinallatac sanjapi jundashca yacutapish tucuimi chaquichirca.

2 REYES 1:11

Chaimantami jatun mandacca cutin pichca chunga soldadocunata paicunata mandac-huan Eliaspacman cacharca. Chaipimi soldadocunata mandacca: —Diospac runalla, jatun mandacca: “Cantaca utca urai shamui” ninmi— nirca.

2 REYES 1:13

Cutinllatacmi pichca chunga soldadocunata paicunata mandac-huan cacharca. Caihuanca quimsa cutinmi cacharca. Quimsaniqui ric soldadocuna mandac Elías tiyacushcaman chayashpa cungurishpaca: —¡Diospac runalla! ¡Ñuca causaipish, canta servic pichca chunga soldadocunapish cambac ñaupapi alli ricurishca cachun!

JOB 1:16

Chaita huillacucllapitacmi shuc runa shamushpaca: —¡Jahua pachamanta Diospac nina shamushpami ovejacunatapish, michiccunatapish rupachishpa tucuchin! Chaita huillangapacmi ñucalla saquirircani— nirca.

LEVÍTICO 10:2

Chaimantami Mandac Diospac ñaupamanta nina llucshishpa, paicunataca rupachirca. Chashnami Mandac Diospac ñaupallapitac huañurca.