2 REYES 1:10 - Dios Rimashcata Quillcashcami

¹⁰ Shina nicpimi, Eliasca pichca chunga soldadocunata mandactaca: —Ñuca Diospac runa cacpica, jahua pachamanta nina shamushpa cantapish, cambac pichca chunga soldadocunatapish rupachishpa tucuchichun— nirca. Shina nicpimi, jahua pachamanta nina shamushpa paitapish, paipac pichca chunga soldadocunatapish rupachishpa tucuchirca.

2 REYES 1:10 ပူးပေါင်းရင်းမြစ်များ

1 REYES 22:28

Shina nicpimi Micaiasca: —Mana ima tucushpa cushilla cutishpaca, ñucaman Mandac Dios mana huillachishcachu canga— nirca. Shinallatac: «¡Tucui gentecuna uyaichic!» nirca.

2 REYES 1:11

Chaimantami jatun mandacca cutin pichca chunga soldadocunata paicunata mandac-huan Eliaspacman cacharca. Chaipimi soldadocunata mandacca: —Diospac runalla, jatun mandacca: “Cantaca utca urai shamui” ninmi— nirca.

2 CRÓNICAS 36:16

Ashtahuanpish paicunaca Mandac Dios cachashca huillaccuna huillashcata mana cazushpami asircacuna. Dios huillachishca shimita yangapi churashpami, Dios ima nishcata huillaccunata burlarcacuna. Pai acllashcacuna chashna yallita llaquichicpimi, Mandac Diosca yallita piñarishpa, ima shina mana jarcari pudishpa llaquichirca.

JOB 1:16

Chaita huillacucllapitacmi shuc runa shamushpaca: —¡Jahua pachamanta Diospac nina shamushpami ovejacunatapish, michiccunatapish rupachishpa tucuchin! Chaita huillangapacmi ñucalla saquirircani— nirca.

SALMOS 105:15

Paica: «¡Aceitehuan cahuishca ñuca mandaccunapica ama tuparinguichicchu! ¡Ñucamanta huillaccunataca, ama llaquichinguichicchu!» nirca.

SALMOS 106:18

Paicuna tandanacushcapi nina japirishpami, Diosta mana manchaccunataca tucui rupachirca.

DANIEL 3:22

Jatun mandac mandashcapish sinchimi carca. Horno ninapish yallitami rupacurca. Chaimantami Sadracta, Misacta, Abed-negota shitac soldadocunata rupachirca.

DANIEL 3:25

Shina nicpimi, jatun mandacca: —Riquichic, chai nina chaupipica chuscu runacunami imapish mana tucushca puricun. Chai chuscu runapuramanta shucca dioscunapac churilayami puricun— nirca.

DANIEL 6:24

Chai quipaca jatun mandacca Danielta juchanchic mandaccunata apamuchunmi mandarca. Chashna apamucpimi, paicunataca huarmindi, huahuacunandi leoncuna causana jutcupi shitarca. Paicuna manarac chai jutcu pambaman chayacpimi, japishpa tullucunata polvoshpa micurca.

LEVÍTICO 10:2

Chaimantami Mandac Diospac ñaupamanta nina llucshishpa, paicunataca rupachirca. Chashnami Mandac Diospac ñaupallapitac huañurca.

NÚMEROS 11:1

Shuc punzhami israelcunaca yarcaihuan cashpa, Mandac Diosta rimarirca. Chaita uyashpami Mandac Diosca nina japiric shina piñarishpa, israelcuna causana carpa huasi muyundita rupachirca.

NÚMEROS 16:35

Chai quipaca Mandac Diospac ñaupamanta nina llucshishpami inciensota rupachic ishcai patsac pichca chunga gentecunata tucui rupachirca.

SAN MATEO 21:41

Shina nicpimi paicunaca: —Mana llaquishpami, chai runacunataca huañuchinga. Chashna huañuchishpami, chagrayucca chagrata chaupina punzha chayamucpi, chaupishpa cuclla shuctac runacunaman cunga— nirca.

SAN LUCAS 9:54

Chaimantami Jesuspac yachacuccunapuramanta Juanpish, Jacobopish: —Apunchic Jesús, caipi causaccunata tucuchichun, ¿Elías mañashca shina, jahua pachamanta ninata cachachun mañashunchu?— nirca.

HECHOS 12:19

Herodesca Pedrota mashcachishpa, mana tarishpami, cuidac soldadocunata alli tapushpa, paicunata huañuchichun mandarca. Chai quipaca Judea llactamanta llucshishpa, Cesarea pueblopimi causagrirca.

HEBREOS 12:29

Chaica, ñucanchic Diosca tucuita rupachic nina llama shinami.

APOCALIPSIS 11:5

Paicunata maijanpish llaquichisha nicpica, shimimanta ninata llucchishpami rupachinga. Chashna rupachicpimi, maijanpish llaquichicca huañunga.