2 PEDRO 2:4 - Dios Rimashcata Quillcashcami

⁴ Diosca paipac angelcuna juchallicpipish mana perdonarcachu, ashtahuanpish ucu pacha amsapimi shitarca. Chaipimi paicunaca Dios taripashpa llaquichina punzhacaman cadenahuan huatashca shuyacun.

Nuevo Testamento en Quichua Cañar 1996

⁴ Diosca paipac angelcuna cacpipish juchallicpica, mana perdonarcachu, ashtahuanpish ucu pacha amsapimi shitarca. Chaipimi paicunaca Dios taripashpa llaquichina punzhacaman cadenahuan huatashca shuyacun.

2 PEDRO 2:4 ပူးပေါင်းရင်းမြစ်များ

JOB 21:30

‘Millaita ruhuac runaca llaqui punzhapica mana ima tucungachu. Dios piñaric punzhaca huacaichishcami canga’ nishcataca, ¿manachu yuyaringuichic?

JOB 4:18

Diosca paita serviccunapipish, mana shunguta churanchu. Paipac angelcunapipish, mana alli tiyashcatami ricun.

SALMOS 78:50

Pai yallita piñarishpaca mana llaquishpami paicunataca huañuchirca. Ashtahuanpish paicunapac causaitaca ungüita cachashpami tucuchirca.

ISAÍAS 14:12

¡Tutamanta llucshic lucero shina cashpapish, ima shinatac jahua pachamanta urmarcanguiyari! Canca llactacunata mandashpa irquiyachic cashpapish, allpaman shitashcami cangui.

EZEQUIEL 5:11

Mandac Dios ñuca shutipimi nini: Cancuna yalli millaita ruhuashcamanta, ruhuashcalla dioscunata adorashpa ñucapaclla huasita yangapi churashcamantaca ñucapish llaquichishami. Manatac llaquishachu, manatac cuyashachu.

EZEQUIEL 7:4

Ñucaca manatac perdonashachu, manatac llaquishachu. Ashtahuanpish cancuna ima shina millaita ruhuashpa causashcata cancunaman ricuchishpami llaquichisha. Shina ruhuacpimi, ñucataca Mandac Dios cashcata yachanguichic nini” ninmi ningui» nirca.

EZEQUIEL 7:9

Ñucaca manatac perdonashachu, manatac llaquishachu. Ashtahuanpish cancuna millaita ruhuashcata taripashpami cancunaman ricuchisha. Shina ruhuacpimi, ñucataca Mandac Dios cashcata yachanguichic.

SAN MATEO 25:41

Lluqui maquiman caccunataca: “Millaicuna, caimanta anchurichic. Diabloman, paita servic angelcunaman allichishca, mana huañuc ninapimi shitashca canguichic.

SAN MATEO 8:29

Paicuna Jesuspacman chayashpaca: —Diospac Churi Jesús, ¿imatatac nic shamungui? ¿Canca manarac llaquichina punzha chayamucpichu llaquichi shamungui?— nishpa caparirca.

MARCOS 5:7

Cungurishpa, caparishpaca: —Jahua pacha Diospac Churi Jesús ¿imatatac nic shamunguiyari? ¡Diosmantami mañani, ñucata ama llaquichichu!— nirca.

SAN LUCAS 10:18

Chashna nicpimi Jesusca: —Ari, Satanastaca relampa shina jahuamanta urmactami ricurcani.

SAN LUCAS 8:31

Chai supaicunaca: —Ama ñucanchicta ucu pacha jutcuman cachaichu— nishpami mañarca.

SAN JUAN 8:44

Cancunaca diablopac huahuacunami canguichic. Chaimantami pai munashcata ruhuanguichic. Diabloca callarimanta pachami huañuchic, llullac cashca. Paica jaicapi mana cashcata ninchu. Paica llullapac taitami. Pai llullashpaca, pai ima shina cashca shinallatacmi ricuchin.

ROMANOS 11:21

Diosca chai yurapi huiñashca ramacunatapish pitishpaca, can llutachishcallatacarin, ¿ima nishpatac mana pitinga?

ROMANOS 8:32

Diosca, paipac quiquin Churitapish tucui ñucanchicmanta llaquita apachun, mana jarcarishpa, cushpaca, ¿manachu paipac Churita cushca shina imatapish cunga?

DEUTERONOMIO 29:20

Mandac Diosca chashna mana alli ruhuactaca mana perdonangachu. Ashtahuanpish nina rupashpa cushnicuc shina piñarishpa, paipaclla cachun munashpa, cai libropi sinchita nicushca shinami llaquichinga. Chashnami cai pachamanta chai runapac shutitaca chingachinga.

2 PEDRO 2:11

Ashtahuanpish angelcunaca paicunata atishpa mandaccuna cashpapish, poderta chariccuna cashpapish, Diospac ñaupapica jahua pachamanta mandaccunataca mana juchanchishpa rimancunachu.

2 PEDRO 2:5

Ñaupa punzhacunapi causaccunatapish Diosca mana perdonarcachu, ashtahuanpish yacu juizhuhuanmi millai gentecunataca tucuchirca. Shina cashpapish Dios munashca shina causachun nishpa, huillac Noellatami paihuan cac canchiscunandi quishpichirca.

2 PEDRO 2:9

Mandac Diosca paipaclla causaccunataca imapish llaquicunamanta quishpichinmi. Millai gentecunataca pai taripashpa, llaquichina punzhacamanmi huacaichishpa charicun.

1 JUAN 3:8

Maijanpish juchata ruhuacca diablopacmi. Diablomi callarimanta pacha juchata ruhuachicca. Diospac Churica diablo imata ruhuacushcata chingachingapacmi shamurca.

SAN JUDAS 1:13

Paicunapac pinganayaita mana allita ruhuashcacunaca, mama cuchata huaira caiman chaiman shitacpi, puscuta shitashca shinami can. Lucerocuna ñanta chingachishca shinami cancuna. Paicunamanca yallita amsa pachami huiñaicaman huacaichishca tiyacun.

SAN JUDAS 1:6

Shinallatac angelcunatapish, paicuna mandacushca jahua sumac causanata shitashpa rishcamantaca, amsa pachapimi tucuri punzhapi taripashpa llaquichingapac huiñaita huatashpa charicun.

APOCALIPSIS 20:10

Chai llullashpa crichic diablotaca azufrehuan rupacuc nina cuchamanmi shitashca carca. Chaillapitami llullashpa huillacpish, manchana animalpish shitashca carca. Chaipica tutapish, punzhapish huiñaitami llaquichishca canga.