2 PEDRO 1:21 - Dios Rimashcata Quillcashcami

²¹ Diosmanta ñaupa huillaccunaca jaicapi quiquin yuyashca shinaca mana huillarcacunachu, ashtahuanpish Diospaclla cashcamantami Diospac Espiritullatac paicunata yuyaita cucpi rimarcacuna.

Nuevo Testamento en Quichua Cañar 1996

²¹ Diosmanta ñaupa huillaccunaca jaicapi quiquin yuyashca shinaca mana huillarcacunachu, ashtahuanpish Diosmanta huillac runacunami carca. Diospac Espiritullatacmi paicunataca rimachicurca.

2 PEDRO 1:21 ပူးပေါင်းရင်းမြစ်များ

2 SAMUEL 23:2

Paimi cashna cantarca: Mandac Diospac Espiritumi, ñucata rimachirca. Pai rimashca shimicunaca, ñuca callupimi.

1 REYES 13:1

Jeroboam inciensota rupachingapac altar cuchupi shayacucpimi, Mandac Dios mandashcamanta Dios ima nishcata huillac shuc runa Judá llactamanta Bet-el puebloman chayarca.

1 REYES 17:18

Chaimantami chai huarmica Eliastaca: —Diospac runa cantaca ¿Ima mana allitatac ruhuashcaniyari? ¿Ñuca juchacunata yuyachishpa, ñuca cari huahuata huañuchingapacchu ñucapacman shamurcangui?— nirca.

1 REYES 17:24

Chaimantami chai huarmica Eliastaca: —¡Diospac runa cactaca cunanmi yachani! ¡Mandac Diospac shimitapish mana llullashpa huillashcataca cunanmi yachani!— nirca.

2 REYES 4:22

Chai quipaca paipac cusata cayashpaca: —Diospac runapacman rishpa utca cutimungapac, maijan shuc servicta shuc burrohuan cachai— nirca.

2 REYES 4:7

Chai quipami chai huarmica Diospac runapacman rishpa huillarca. Chashna huillacpi, Eliseoca: —Chai aceiteta catushpa debita pagangapac rilla. Chai puchushca cullquihuanca canpish, cambac huahuacunapish micushpa causaichiclla— nirca.

2 REYES 4:9

Chaimantami chai huarmica paipac cusataca: —Riqui, cai ñucanchic huasita pasac runaca Diospaclla chicanyachishca runa cashcatami yachani.

2 REYES 6:10

Shina nicpimi, Israel llactata jatun mandacca Diospac runa huillashca pushtuta chapachun cacharca. Paicuna yallita cuidashpami, cutinpish, cutinpish chapachun cacharca.

2 REYES 6:15

Diospac runata servic runa tutamanta llucshingapac utca jatarishpaca, chai tucui soldadocunapish, caballopi, carretapi cac tucui soldadocunapish, chai pueblota tucui muyunacushpa shayacuctami ricurca. Chaita ricushpami, chai servicca: —¡Aij, ñuca amolla! ¿Imatatac ruhuashunyari?— nirca.

1 CRÓNICAS 23:14

Diosta servic Moisespac huahua huahuacunataca Levipac aillucunahuan tandachishpami yuparca.

2 CRÓNICAS 8:14

Chashnallatac curacunataca paipac taita David mandashca shinallatacmi imata ruhuana cashcapi churarca. Levitacunatapish paicuna imata ruhuana cashcata ruhuashpa Diosta alabachun, shinallatac curacunata ayudachunmi churarca. Shinallatac Diospac huasi pungupi cuidaccunatapish tucui pungucunapimi chullayanacushpa cuidachun churarca. Mandac Diosta servic Davidmi chashna mandarca.

JEREMÍAS 23:26

Chai huillaccunaca, ¿ima horascamantac chashna huillacunga? ¿Ima horascamantac paicunapac shungu munashcallata, yuyarishcallata llullashpa huillanga?

EZEQUIEL 1:3

Chaipimi Mandac Diosca caldeocunapac llactapi cac Quebar yacu patapi ñucaman huillarca. Ñucaca Buzipac churi Ezequielmi cani. Chaipimi Mandac Diosca ñucata rimarca.

MIQUEAS 1:1

Jatun mandac Jotam, Acaz, Ezequías Judá llactata mandacui punzhacunapimi Mandac Diosca Moreset llactamanta Miqueasman Samaria llactatapish, Jerusalentapish llaquichinamanta muscuipi shina huillarca.

MIQUEAS 3:7

Chaimantami huillaccunapish, adivinocunapish pingaihuan yuyai illac saquiringa. Ñucaca paicuna mañashcataca mana uyashachu. Chaimantami shimita taparinga» ninmi.

NÚMEROS 16:28

Shina cacpimi Moisesca: —Cunanmi tucui caicunataca mana ñuca munaillamanta ruhuacushcata, ashtahuanpish Mandac Diosllatac ruhuachun cachashcata yachanguichic.

MARCOS 12:36

Davidllatacmi Diospac Espíritu yuyaita cucpica: “Mandac Diosca ñucata Mandactaca: ‘Canta piñaccunata cambac chaqui sarunapi ñuca churangacaman, canca ñuca alli maquiman tiyacuilla’ nin” nishcami.

SAN LUCAS 1:70

Pai ima nishcata huillac, jucha illac huillaccunamanmi, utcaman huillachishca carca.

HECHOS 1:16

«Huauquicuna, Jesusta Judas japichina cashcataca, ñaupamanmi Diospac Espíritu yuyaita cucpi, Davidca quillcachishca. Chaica pactanami carca.

HECHOS 28:25

Chaimanta paicunapura mana shuc yuyailla tucushpa, rigricpimi Pabloca: —Allimi Dios ima nishcata huillac Isaiasca, Diospac Espíritu yuyachicpica huillarca. Paica:

HECHOS 3:18

Dios, pai ima nishcata huillaccunaman: “Quishpichic Cristoca llaquita apashpami huañunga” nishpa huillashca pactachunmi, chashnaca tucushca.

DEUTERONOMIO 33:1

Dios acllashca Moisés manarac huañushpa israelcunata

HEBREOS 10:15

Chaimanta Diospac Espíritu huillashpaca:

HEBREOS 3:7

Chaimantami Diospac Espirituca: «Dios rimashcata cunan cancuna uyashpaca,

HEBREOS 9:8

Chaica Diospac Espiritumi, Diospaclla ucupi tiyacpica, Diospaclla chicanyachishca ucuman manarac yaicuna tiyashcata entendichirca.

JOSUÉ 14:6

Judapac churicunami Gilgal pueblopi Josuehuan parlangapac rirca. Chashna rishpami genezeocunapuramanta Jefonepac churi Calebca: —Cades-barnea pueblopi canmantapish, ñucamantapish Mandac Dios paita servic Moisesta imata nishcataca canllatac yachanguimi.

1 PEDRO 1:11

Cristopac Espiritumi Diosmanta ñaupa huillaccunamanca Cristo llaquita apashpapish, quipaman sumacyachishca canataca utcashpa ña huillarca. Paicunahuan cac Cristopac Espíritu chashna yuyaita cucpimi, paicunaca ima punzha ima shina tucuna cashcata yachac chayanata munarcacuna.

APOCALIPSIS 19:10

Shina nicpimi angelta alli ningapac paipac ñaupapi cungurircani. Chashna cunguricpica: «Ama chashna ruhuaichu. Ñucapish can shina Jesús huillashcata mana cungarishpa catic, cambac huauquicuna shinallatac Diospacta ruhuacmi cani. Diostami alli nina cangui» nirca. Diosmanta huillaccunamanca Jesús huillashcacunami huillana yuyaita cun.