2 PEDRO 1:14 - Dios Rimashcata Quillcashcami

¹⁴ Ñucanchic Apunchic Jesucristoca ñuca cai pachata saquishpa, utca huañuna cashcatami yachachirca.

Nuevo Testamento en Quichua Cañar 1996

¹⁴ Ñucanchic Apunchic Jesucristoca ñuca cai pachata saquishpa, utca huañuna cashcatami yachachirca.

2 PEDRO 1:14 ပူးပေါင်းရင်းမြစ်များ

ISAÍAS 38:12

Ñuca causana huasipish ovejata michina carpata shinami, shuc ladoman anchuchirca. Ahuac runa ahuashcata pitic shinami, cai ungüihuan ñuca causaica pitirin. Punzha cashpa, tuta cashpapish tucurigrinimi” yuyarcami.

SAN JUAN 13:36

Simón Pedro Jesusta tapushpaca: —Apunchic Jesús, ¿maimantac rigringui?— nirca. Chashna nicpimi Jesusca: —Ñuca maiman ricushcamanca mana cati pudinguichu, ashtahuanpish quipatami catingui— nirca.

HECHOS 20:25

Taucacunamanmi Dios mandacucmanta huillashpa pasarcani. Chai uyaccunamantaca ñuca ñahuita mana ashtahuan ricunguichicchu. Chaica chashnatacmi canga.

2 CORINTIOS 5:1

Ñucanchicca chingariclla cai pachapi tiyac huasi shinami canchic. Ñucanchic cuerpo chai huasi urmac shina huañucpica, mana gentecunapac ruhuashca huasitami jahua pachapi, Dios allichishcata charinchic.

DEUTERONOMIO 31:14

Mandac Diosca Moisestaca: «Riqui, ñami cambac huañuna punzhaca chayamushca, Josueta ñucahuan tupana huasiman pushai. Chaipimi pai imata ruhuanata mandasha» nirca. Shina nicpimi, Moisesca Josuehuan Dios-huan tupana huasipi shuyarca.

2 TIMOTEO 4:6

Ñucaca ñami Diosman cushpa huañuchina shinalla cani. Ñuca caimanta rina punzhaca ñami chayamucun.

JOSUÉ 23:14

Riquichic, ñucaca cai pachapi tucui causaccuna rina ñanta japishpa, ña rinallami cani. Cancunata Mandac Diosca pai sumacta ruhuashpa ricuchisha nishcataca shucllatapish mana saquishpami tucuita pactachishca. Pai shina nishcataca tucui pactachishcamantami tucui shunguhuan, tucui almahuan pagui nina canguichic. Tucuitami cancunamanca pactachishca.

2 PEDRO 1:13

Ñuca causashcacamanca caicunata nina alli cacpimi, cancunata yuyachishpa rimacushalla.