2 CRÓNICAS 9:7 - Dios Rimashcata Quillcashcami

⁷ Cambac runacunaca mai alli nishcacunami. Cambac sumac yachaita cambac ñaupapi punzhanta uyac canta servic cai runacunaca yallita cushicushpami purincuna.

2 CRÓNICAS 9:7 ပူးပေါင်းရင်းမြစ်များ

1 REYES 10:8

Cambac runacunaca yallita alli nishcacunami. Cambac sumac yachaita cambac ñaupapi punzhanta uyac canta servic cai runacunaca yallita cushicushpami purincuna.

2 CRÓNICAS 9:6

Ashtahuanpish ñuca caiman shamungacamanmi mana crircani. Ñuca ñahuihuantac ricushpami crini. Can chashna jatun yachac cashcatapish, yallita charic cashcatapish chaupillatacmi parlashca. Ñuca uyashcamantaca ashtahuan yallitami ricucuni.

2 CRÓNICAS 9:8

Canta Mandac Diosca alli nishca cachun. Paica canta alli nishpami, pai mandashpa tiyarinapi tiyachishca. Mandac Diosca israelcunata cuyashpami, tucuipac allita ruhuashpa, imatapish cashcata ruhuashpa mandachun cantaca churashca» nirca.

SALMOS 27:4

Ñucaca pai sumac cashcata ricushpa, alli alli yachangapacmi tucui causaipi paipac huasipi charichun Mandac Diostaca mañani. Chaillatami mañani.

PROVERBIOS 10:21

Cashcata ruhuac runapac shimica achcacunatami allita pushan. Ashtahuanpish mana yachaccunaca mana entendishpami huañuncuna.

PROVERBIOS 13:20

Yachaisapa runacunahuan tandanacucca yachaisapami tucunga. Ashtahuanpish yuyai illac runacunahuan tandanacucca paipish yuyai illacmi tucun.

PROVERBIOS 3:14

Cai alli yachaica cullquitapish yalli valicmi. Cai alli yachaimanta japinaca valishca curitapish yallimi.

PROVERBIOS 3:3

Cashcata nina, shinallatac llaquic canaca, jaicapi ama anchurichun. Cungapi churarishca shina, shungupi quillcashca shina, chai yuyailla puringui.

PROVERBIOS 8:34

Ñuca yachachishcata uyangapac, ñuca huasi pungupi punzhanta shuyacuc runaca yallita cushicuchun. Paica ñuca huasi pungu pilar ladopimi shuyacun.

SAN LUCAS 11:28

Chashna nicpimi Jesusca: —Maijanpish Dios rimashcata uyashpa cazuccunami, yallita cushicun— nirca.

DEUTERONOMIO 33:9

Paimi taita mamataca: “Mana ricsinichu” nirca. Paipac huauquicunatapish, huahuacunatapish mana ricsircachu. Paicunaca cambac nishcacunata cazurcami. Pai ari nishcatapish pactachircami.