2 CRÓNICAS 9:4 - Dios Rimashcata Quillcashcami

⁴ Shinallatac paipac mizapi micunatapish, paita serviccuna causana ucucunatapish, cullquimanta serviccunatapish, paicunapac churanacunatapish, Diospac huasiman yaicuna cashcatapish, vinota cuccunatapish paicunapac churanatapish, Mandac Diospac huasipi animalcunata cushpa tucui rupachictapish ricurcami. Chaita ricushpami, yallita mancharishpa saquirirca.

2 CRÓNICAS 9:4 ပူးပေါင်းရင်းမြစ်များ

1 REYES 10:5

Shinallatac paipac micunatapish, paita serviccuna causana ucucunatapish, chai serviccunapac churanacunatapish, paiman ima shina vinota cuc cashcatapish ricurcami. Shinallatac Mandac Diospac huasipi animalcunata cushpa tucui rupachictapish ricurcami. Chaita ricushpami, yallita mancharishpa saquirirca.

1 REYES 5:2

Shinallatacmi Salomonpish, Hiramtaca:

1 REYES 5:3

«Ñuca taita Davidca cai muyundi llactacunapi causaccuna llaquichicpi, macanacushpami paita Mandac Diospac shutipi mañana huasita shayachinataca mana yuyarirca. Paita piñaccunata Mandac Diosllatac ñuca taitapac chaqui ucupi churangacamanmi mana shayachinata yuyarirca. Chaitaca canpish yachanguimi.

2 REYES 16:18

Asiria llactata jatun mandacpac ñaupapi alli ricuringapacmi samana punzhapi tandanacungapac Diospac huasipi ruhuashca corredortapish, jatun mandac yaicuna ñantapish anchuchirca.

1 CRÓNICAS 9:18

Diospac huasiman jatun mandac yaicuna pungupi levitapuramanta cuidaccunaca cunan punzhacamanmi cuidacun. Chai punguca inti llucshina ladomanmi.

2 CRÓNICAS 23:13

Chaiman chayashpaca, jatun mandac Diospac huasiman yaicunapi shayacuc pilar ladopi shayacucta, shinallatac jatun mandacpac ladopica macanacuccunapish, trompetapi tocaccunapish shayacuctami ricurca. Chai llactapi causac tucui gentecunapish yallita cushicushpami shuccunaca bocinapi tocarcacuna. Cantaccunapish tocanacunapi tocashpa Diosta alli nishpa shayacuctami ricurca. Chaita ricushpami Ataliaca pai churarishcata lliquishpaca: «¡Ñucataca huashallami llucchishcacuna!» nishpa caparirca.

2 CRÓNICAS 9:3

Sabá llactata jatun mandac huarmica Salomón yallita yachac cashcatapish, pai mandashpa tiyana huasita shayachishcatapish ricurcami.

2 CRÓNICAS 9:5

Chaimantami jatun mandactaca: «¡Ñuca llactallapitacmi can imata ruhuashcacunatapish, can yallita yachac cashcatapish uyarcani! ¡Chaica chashnatacmi cashca!

NEHEMÍAS 1:11

Mandac Dioslla, cantaca yallitami mañani. Canta servic ñuca mañashcatapish, cambac shutita alli ninata munac canta serviccuna mañashcatapish cambac ringrihuan uyaiyari. Canta servic ñuca alli llucshichun, chai runapac ñaupapipish alli ricurichun ayudaiyari» nishpami mañarcani. Ñucaca jatun mandacman copa vinota servicmi carcani.

SALMOS 119:81

Can quishpichinata shuyashpami ñuca almaca huañucun. Cambac rimashcapi shunguta churashpami shuyacuni.

SALMOS 143:7

Mandac Dioslla, ñuca mañashcata utca cutichiyari. Ñucaca huañunalayami tucuni. Cambac ñahuita ama pacaichu. Can mana ricucpica, ña enterrashcalayami casha.

PROVERBIOS 9:5

«Ñuca micunata micucushpa, ñuca chapushca vinotapish ubiac shamuichic.

CANTARES 5:8

Jerusalenpi causac solteracunalla, ñuca cuyashcahuan tupashpaca: «Canta ricunayaihuanmi ungushca huañucun» ningapac ari nichicyari.

EZEQUIEL 44:3

Ashtahuanpish shuc mandacllami Mandac Dios ñucapac ñaupapi micungapac tiyaringa. Paica churanata huacaichina punguta yaicushpaca, chaillatatacmi llucshinga» nirca.

EZEQUIEL 46:2

Mandacmi canzha pamba punguta yaicushpa, ucu canzha pungu umbral ladopi shayaringa. Paica ñucaman cushca animalta tucui rupachingacaman, ñucahuan alli tucungapac ofrendata cungacamanmi pungu umbral ladopi shayacunga. Quipaca pungu umbral jahuapi cungurishpa, Diosta adorashpami llucshinga. Ashtahuanpish chai punguca tutayangacamanmi pascashca canga.

DANIEL 10:17

Ñuca amolla, canta servic ñucaca, ¿imatac canhuan parlai pudishayari? Chaica, can rimashcata uyashpami irquiyashpa, samaitapish mana charini” nircani.

SAN MATEO 6:29

Chaica, jatun mandac Salomón, pai tucuita charic cashpapish, sisa shina sumacta mana churarircachu.

SAN LUCAS 12:37

Chashna chaparacucpi amo chayamucpimi, serviccunamanca mai cushicui canga. Chai amoca pai quiquinllatacmi serviccuna churarinata churarishpa, paicunata mizaman tiyachishpa micunata caranga, chashnami canga.

APOCALIPSIS 1:17

Chaita ricushpaca, huañushca shinami paipac chaqui pambaman urmarcani. Shina cacpipish paipac alli maquita ñuca jahuapi churashpaca: «Ama mancharichu. Ñucami callarichicpish, tucuchicpish cani.

APOCALIPSIS 3:20

Ñucaca huasiyuc nishpami pungupi huactashpa shayacuni. Maijanpish ñuca rimashcata uyashpa punguta pascacpica, paipacman yaicushpa paihuan micushami, paipish ñucahuan micungami.