2 CRÓNICAS 9:1 - Dios Rimashcata Quillcashcami

¹ Sabá llactata jatun mandac huarmica Salomontaca Mandac Diospac shutimanta tucui alli nishpa parlanacucta uyashpami, achca gentecunata pushashpa, Jerusalenman shamurca. Chai huarmica mishquilla ashnacucta, achca curita, alaja rumicunata camellocunapi apachishpami, mana cutichi pudipac tapuicunata Salomonman tapushpa yachangapac shamurca. Paipacman shamushpaca paipac shungupi tucui ima yuyashcatami parlarca.

2 CRÓNICAS 9:1 ပူးပေါင်းရင်းမြစ်များ

GÉNESIS 10:28

Obal, Abimael, Seba,

GÉNESIS 10:7

Cuspac churicunaca: Seba, Havila, Sabta, Raama, Sabtecami carca. Raamapac churicunaca: Seba, Dedanmi carca.

GÉNESIS 25:3

Jocsanca Seba, Dedán churicunatami charirca. Dedanca Asurim, Letusim, Leumim churicunatami charirca.

1 REYES 4:31

Paica tucui gentecunata atishpa alli yachacmi carca. Ezraitapura Etán, Hemán runacunatapish, Calcol shinallatac Darda Maholpac churicunatapish, atishpa alli yachacmi carca. Chaimantami paitaca muyundi tucui llactacunapi causaccunaca ricsirca.

2 CRÓNICAS 1:1

Davidpac churi Salomonca paita Mandac Dios paihuan cacpimi, pai mandanapica yallita jatunyarca. Shinallatac pai mandanatapish pi mana cuyuchipac sinchitami ruhuarca.

2 CRÓNICAS 1:12

Chaimantami alli yuyaitapish, yachaitapish canman cuni. Shinallatac chayuc canatapish, ima charinacunatapish, alli nishca canatapish cunimi. Caitaca cambac punta jatun mandaccunaca pipish mana charishcachu, cambac quipa jatun mandaccunapish, manallatac charingachu— nirca.

2 CRÓNICAS 9:2

Ashtahuanpish Salomonca tucui chai huarmi tapushcatami cutichirca. Jatun mandac mana cutichina pudishca tapuicunaca imapish mana tiyarcachu.

2 CRÓNICAS 9:9

Shina nishca quipami, chai huarmica patsac ishcai chunga talento curita, mishquilla ashnacuc achca jambinacunata, alaja rumicunata, jatun mandacman curca. Sabá llactata jatun mandac huarmi jatun mandac Salomonman mishquilla ashnacucta achcata cungapac apamushca shinaca, jaicapi pi manarac apamurcachu.

SALMOS 142:2

Ñuca llaquilla cashcataca paipac ñaupapimi ricuchisha. Ñuca yallita llaquihuan cashcataca paipac ñaupapimi huillasha.

SALMOS 49:4

Yuyaita japina rimaicunahuan rimashcataca uyashami. Mana entendipac rimaicunataca arpapi tocashpami huillasha.

SALMOS 72:10

Tarsis llactata jatun mandaccunapish, yacu patapi causac caishuc jatun mandaccunapish, paiman allicunata cungapacmi apamunga. Sabá llacta, Seba llactata jatun mandaccunapish huatantami convidanacunata cungacuna.

SALMOS 72:15

Jatun mandacca causacungallami. Sabá llactamanta curitami cungacuna. Paimantaca Diosta mañacungallami. Punzhantami paita bendicianga.

SALMOS 78:2

Ñuca rimashpaca yuyaita japina shimicunatami nigrini. Ñaupa huatacunamanta pi mana yachashca rimaicunatami huillagrini.

PROVERBIOS 1:6

Yuyaita cuc, yachachishca rimaicunaca, yachaisapacuna rimashcatapish, yuyaita japina rimaicunatapish pi mana yachai tucushcatapish, yachangapacmi.

ISAÍAS 60:6

Achca camellocunami cambac ñaupaman shamunga. Madián, Efa llactacunamantami malta camellocuna shamunga. Sabá llactamantapish curita, inciensota apashpami, Mandac Diosta alli nishpa shamunga.

SAN MATEO 12:34

Culebrapac huahuacuna, cancunallatac millai cashpaca, ¿ima shinatac allita rimaringuichic? Shungupi ima yuyaicuna tiyashcatami, shimica riman.

SAN MATEO 12:42

Sabá llactata jatun mandac huarmipish alli yachac Salomón ima nishcata uyangapacmi, caru llactamanta shamurca. Cunan ñucaca Salomontapish yallimi caipica cani. Chaimantami Dios taripana punzhapica, chai huarmipish cunan punzhapi causaccuna mana allita ruhuashcamantaca juchanchingapac jataringa.

SAN MATEO 13:11

Chashna tapucpimi Jesusca: —Cancunaman Dios mandacucmanta yachachishpaca, pimanpish mana yachachishcatami yachachini, ashtahuanpish shuccunamanca mana chashna yachachishcanichu.

SAN MATEO 13:35

Dios ima nishcata huillac nishca pactachunmi, tucuita yachachirca. Chai huillacca: «Chimpapurashca parlohuanmi parlasha. Cai pachata ruhuashca punzhamanta pacha, pi mana yachachishcatami huillasha» nishcami.

SAN MATEO 2:11

Paicuna chai huasiman yaicushpaca, huahuatami paipac mama Mariandi ricurca. Chaimantami cungurishpa “allimari cangui” nircacuna. Shinallatac quipita pascashpami, curitapish, inciensotapish, mirratapish curca.

SAN LUCAS 11:31

Caru Sabá llactata jatun mandac huarmipish, Salomón yachachishcata uyangapacmi shamurca. Cunan ñucaca Salomontapish yallimi caipica cani. Chaimantami Dios taripana punzhapica chai huarmipish cunan punzhapi causaccunataca juchanchishpa llaquichinga.

1 SAMUEL 1:15

Shina nicpimi Anaca: —Ñuca amito, mana machashcachu cani. Vinotapish, machana yacutapish mana ubiarcanichu. Ashtahuanpish ñuca shungupimi, achca llaquihuan cani. Chaimantami ñuca tucui almahuan Mandac Diosta mañacuni.