2 CRÓNICAS 8:8 - Dios Rimashcata Quillcashcami

⁸ Paicunaca israelcuna mana huañuchishca, chai llactapi saquirishca gentecunapac huahua huahuacunami carca. Paicunamantami Salomonca cunan punzhacaman impuestota japishpa catin.

2 CRÓNICAS 8:8 ပူးပေါင်းရင်းမြစ်များ

1 REYES 4:6

Ahisarca mandana huasita ricuc mayordomomi carca. Abdapac churi Adoniramca sinchi ruhuaicunapi caccunata mandacmi carca.

1 REYES 9:10

Ishcai chunga huatapimi Salomonca Mandac Diospac huasitapish, mandashpa tiyana huasitapish ruhuashpa tucuchirca.

1 REYES 9:21

Chai gentecunapac huahua huahuacunaca israelcuna chai llactata japishpa, mana tucui tucuchi pudicpi, chai llactapi saquirishpa mirarishcacunami carca. Paicunatami Salomonca cunan punzhacaman impuestota pagachishpa, servichishpa charin.

2 CRÓNICAS 2:16

Ñucanchicca can mashna mañashca caspicunata Líbano urcupi pitigrishunllami. Chai quipaca balsata ruhuashpami, chai caspicunataca mama cuchata Jope pueblocaman apamushun. Chai pueblomantaca canllatac Jerusalenman ashtanguillami» nishpami quillcashpa cacharca.

2 CRÓNICAS 8:9

Ashtahuanpish Salomonca israelcunataca chaita ruhuashpa servichunca mana churarcachu. Paicunataca alli macanacuc soldadocunapish, paita serviccunapish, soldadocunata mandaccunapish, carretapi puric soldadocunata mandaccunatapish, caballopi ric soldadocunatapish mandachunmi churarca.

SALMOS 106:34

Mandac Dios tucuchichun nishca gentecunatapish mana tucuchircacunachu.

JOSUÉ 16:10

Shina cacpipish, Efrainpac ailluca Gezer pueblopi causac cananeocunataca mana llucchishpa cacharcachu. Chaimantami cananeocunaca impuestota cushpa cunancaman paicunapac chaupipi causancuna.

JOSUÉ 17:13

Shina cacpipish, israelcunaca ashtahuan sinchi tucushpami, cananeocunataca impuestota pagachishpa causarca. Chai llactamantaca mana tucui llucchishpa cacharcachu.