2 CRÓNICAS 8:5 - Dios Rimashcata Quillcashcami

⁵ Chai quipaca jahuaman cac, uraman cac Bet-horón pueblocunatapish allichircami. Chai pueblocunaca muyunditami jatun pircacunahuan jarcashca, pungucunapi llavecuna churashca carca.

2 CRÓNICAS 8:5 ပူးပေါင်းရင်းမြစ်များ

1 REYES 9:17

Chaimantami Salomonca Gezer pueblotapish, ura ladoman tiyac Bet-horón pueblotapish,

1 CRÓNICAS 7:24

Beriapac ushi Seeraca jahua Bet-horonta, ura Bet-horonta, shinallatac Uzen-seera pueblocunatami shayachirca.

2 CRÓNICAS 14:7

Chaimantami Judá llactapi causaccunataca: «Cai llacta ñucanchicpac cashcamanta cai pueblocunata shayachishunchic, sinchi torrecunata ruhuashun. Pueblocunataca pircahuan muyundita jarcashpa aldabacunata charic pungucunata churashun. Ñucanchicca, ñucanchicta Mandac Diostami mashcarcanchic. Shina mashcacpimi, paica ñucanchic maipi cacpipish, casilla sumac causaita cun» nirca. Paicuna chashna ruhuai callaricpica, tucuimi alli llucshirca.

2 CRÓNICAS 8:4

Shinallatac shitashca pambapi tiyac Tadmor pueblotapish allichircami. Chashnallatac imatapish huacaichingapac pai ruhuachishca Hamat pueblo ladopi caishuc pueblocunatapish allichircami.

2 CRÓNICAS 8:6

Baalat pueblotapish, imata Salomón charishcacunata huacaichina tucui pueblocunatapish, macanacuna carretacunatapish, caballocunata charina tucui pueblocunatapish allichircami. Salomonca Jerusalenpi, Líbano llactapi, pai mandacushca tucui llactacunapica pai munashcatami ruhuarca.

JOSUÉ 16:3

Chaimantaca inti tigrana ladoman rishpaca, jafletitacunapac llactata pasashpa, Bet-horoncaman, Gezer pueblocamanmi carca. Chaimantaca mama cuchacamanmi carca.

JOSUÉ 16:5

Efrainpac aillucuna mashna cashcata ricushpa, cushca llactacunaca inti llucshina ladomanca Atarot-adar pueblomanta Bet-horón pueblocamanmi carca.