2 CRÓNICAS 7:6 - Dios Rimashcata Quillcashcami

⁶ Curacunaca paicuna imatac ruhuanallapitacmi carcacuna. Levitacunapish, Mandac Diosta pagui ningapac jatun mandac David ruhuashca tocanacunapimi tocarcacuna. David allichishca cantota cantashpaca: «Diosca allimari, pai llaquishcaca huiñai huiñaipacmi» nishpami cantarcacuna. Curacunaca levitacunapac chimbapurapimi trompetacunapi tocarcacuna. Israelcunaca tucuimi shayacurcacuna.

2 CRÓNICAS 7:6 ပူးပေါင်းရင်းမြစ်များ

1 CRÓNICAS 13:8

Davidpish, tucui israelcunapish Mandac Diospac ñaupapimi arpapi, panderopi, salteriopi, cimbalopi, trompetapi tocashpa, cantashpa cushicurca.

1 CRÓNICAS 15:24

Sebanías, Josafat, Natanael, Amasai, Zacarías, Benaía, shinallatac Eliezer curacunaca Diospac Arca ñaupapimi trompetacunapi tocarcacuna. Shinallatac Obed-edom, Jehiaspish Diospac Arcata cuidaccunami carca.

1 CRÓNICAS 16:34

Mandac Diosta alli nichic, Paica allimi can. Paipac cuyaica huiñaipacmi can

2 CRÓNICAS 23:18

Chai quipaca Joiadaca Mandac Diospac huasipimi imata ricuccunata churarca. Paicunataca curacuna, levitacunami mandacurca. Davidca paicunatami Mandac Diospac huasipica Moisés mandashpa, quillcashcapi nishca shinallatac churarca. Paicunataca Mandac Diosman animalcunata cushpa rupachichun, David mandashca shina cushicushpa cantachunmi churarca.

2 CRÓNICAS 29:25

Jatun mandac David, Dios ricuchishcata huillac Gad, Natán mandashca shinami, levitacunataca Mandac Diospac huasipi salteriocunapi, arpacunapi, cimbalocunapi tocachun churarca. Chaitaca Mandac Diosmi pai ima nishcata huillaccunata huillachishca carca.

2 CRÓNICAS 29:27

Shina shayacucpimi, Ezequiasca animalcunata huañuchishpa, Diosman cushpa, altarpi rupachina animalcunata huañuchichun mandarca. Animalcunata tucui rupachic callaricpimi, cantaccunapish Diosta cantai callarirca. Paicunaca trompetapi, Israel llactata jatun mandac David ruhuachishca tocanacunapi tocashpami cantarcacuna.

2 CRÓNICAS 5:12

Shinallatac cantac levitacuna, Asaf, Hemán, Jedutún runacunaca paicunapac churicunahuan, familiacunahuanmi altar ñaupapi inti llucshina ladoman alli lino churanacunata churarishca platillocunahuan, salteriocunahuan arpacunahuan shayacurca. Paicunahuanca patsac ishcai chunga curacunami trompetacunapi tocashpa shayacurca.

2 CRÓNICAS 5:13

Trompetacunapi tocashca uyaricpica, tucuimi Mandac Diosta alli nishpa, pagui nishpa shuclla shina cantarcacuna. Trompetacunahuan, platillocunahuan shuctac tocanacunahuan tocacpi, sinchita cantashpami, Mandac Diostaca: «Paica allimari, pai llaquishcaca huiñai huiñaipacmi» nishpa cantarca. Shina cantacpimi, Mandac Diospac huasipica puyu jundarca.

2 CRÓNICAS 7:3

Nina japiricucpish, Mandac Diospac sumaimana achicpish chai huasi jahuaman shamucta tucui israelcuna ricushpami, rumi pambapi cungurishpa, pambacaman cumurishpa, Mandac Diostaca: «Diosca allimari, paica huiñai huiñaitami llaquin» nircacuna.

2 CRÓNICAS 7:5

Jatun mandacca ishcai chunga ishcai huaranga huagracunata, patsac ishcai chunga huaranga ovejacunatami Diosman cushpa huañuchirca. Chashnami jatun mandacpish, tucui israelcunapish Mandac Diospac huasitaca Diosllamantac cushpa mingarcacuna.

ESDRAS 6:18

Chai quipaca Moisés mandashpa quillcashcapi nicushca shinallatacmi curacunataca servina horasllatac servichun, levitacunatapish chullayanacushpa Jerusalenpi Diosta servichun churarca.

SALMOS 106:1

¡Mandac Diosta alabaichicyari! ¡Mandac Diosca allimari, paita alabaichicyari! Paica huiñaitami llaquicun.

SALMOS 107:1

¡Mandac Diosca ñucanchic-huanca allimi! ¡Ñucanchicta huiñaita cuyanmari! ¡Chaimanta paitaca alabaichicyari!

SALMOS 138:8

Mandac Dioslla, canca huiñaita llaquicmi cangui. Can Mandac Dios ñucaman imata ruhuasha nicushcataca pactachiyari. ¡Cambac maquihuan ruhuashcataca ama saquichuyari!

SALMOS 87:7

Tucui cantaccunapish, danzaccunapish rimashpaca: «¡Ñucanchicpish Sión pueblollamantami canchic!» ningacunami.

ISAÍAS 52:6

Chai punzhacunapimi ñuca acllashcacunaca ñuca shutita ricsinga. Chaipimi ñuca: “Ñucaca chaipimi casha” nishcata yachanga» ninmi.

AMÓS 6:5

Arpapi tocashpami cantanguichic. David shinami, ima tocanacunata ruhuanguichic.

JOSUÉ 6:4

Canchis curacunami oveja gachumanta ruhuashca canchis cornetata apashpa, Arca ñaupata ringa. Canchis punzha tucucpica, canchis cutin chai pueblota muyunguichic. Cutin curacunaca chai gachu cornetapimi tocangacuna.