2 CRÓNICAS 7:16 - Dios Rimashcata Quillcashcami

¹⁶ Cai huasitaca huiñaita ñuca shuti chaipi causachunmi ñucapaclla cachun acllani. Cai huasimantaca manatac anchurishachu.

2 CRÓNICAS 7:16 ပူးပေါင်းရင်းမြစ်များ

1 REYES 8:16

“Ñuca acllashca israelcunata Egiptomanta llucchimushca punzhamanta pacha, tucui Israel aillucunapac pueblocunamantaca maijantapish ñuca shuti causana huasita shayachichunca, mana acllarcanichu. Shina cashpapish ñuca acllashca israelcunata mandachunca, Davidtami acllarcani” nishcami nirca.

1 REYES 8:35

Canta mana cazushpa, paicuna juchata ruhuashcamantaca jahua pachata huichcashpami mana tamyachingui. Paicunata chashna llaquichicpica, cai huasipi canta mañashpami, cambac shutita alli nishpa canman tigraringacuna.

1 REYES 8:44

Can acllashca israelcunaca paicunata piñaccunahuan macanacungapac llucshishpaca can cachashca ñantami ringacuna. Chashna rishpaca, can acllashca puebloman, cambac shutipi mañana ñuca shayachishca cai huasiman tigrarishpami cantaca mañangacuna.

1 REYES 8:48

Paicunata piñaccunapac llactapi prezu cashpami, paicunapac tucui shunguhuan, tucui almahuan canman cutiringacuna. Shina cutirishpaca paicunapac ñaupa taitacunaman cushca llactaman, can acllashca puebloman, canman ñuca shayachishca cai huasiman tigrarishpami canta mañangacuna.

1 REYES 9:3

Chaipimi Mandac Diosca: «Ñuca ñaupapi can yallita mañactaca uyanimi. Huiñaicaman ñuca shuti chaipi causachun, can shayachishca huasitapish, ñucapaclla cachun chasquinimi. Cai huasitaca punzhantami ricucushalla. Ñuca shungupipish yuyaricushallami.

2 REYES 21:4

Mandac Diospac huasipipish altarcunatami shayachirca. Chai huasitami Mandac Diosca: «Jerusalenpimi ñuca shutita churasha» nishca carca.

2 CRÓNICAS 30:8

Cunanca, ama cancunapac ñaupa taitacuna shina sinchi shungu tucuichicchu. Ashtahuanpish Mandac Diosta cazushpa, paipac huasiman shamuichic. Chai huasitaca Diosmi huiñaita paipaclla cachun chicanyachishca. Cancunata Mandac Diosta servichic. Shina servicpimi, nina japiric shina piñarishcamantaca cancunahuan alli tucunga.

2 CRÓNICAS 6:20

Canhuan tupana cai huasitaca tutapish, punzhapish chapacunguilla. Canllatacmi: “Cai huasipimi ñucaca causasha” nircangui. Chaimanta canta servic ñuca caipi mañashcata uyanguiyari.

2 CRÓNICAS 7:12

Chai quipami Mandac Dios Salomonman tuta ricurishpaca: «Can mañashcataca uyarcanimi. Cai huasitaca animalcunata ñucaman cushpa huañuchina huasi cachunmi acllarcani.

2 CRÓNICAS 7:15

Cunanca cai huasipi mañashcataca ricurashami, shinallatac uyarashami.

2 CRÓNICAS 7:17

Cambac taita David shina ñuca ñaupapi allita ruhuashpa, ñuca mandashcacunata, pactachichun ñuca yachachishcata cazushpa causacpica,

SALMOS 132:13

Mandac Dios Sión pueblota acllashpa, chaipi causanata munashpaca:

SALMOS 132:14

«Caipimi ñucaca huiñaita causasha. Caipi causanata munashpami acllarcani.

ZACARÍAS 3:2

Mandac Diosca: «Satanaslla, cantaca Mandac Dios ñucami rimani. Jerusalenta acllac Mandac Dios ñucallatacmi rimashpa llaquichini. ¿Manachu cai runaca mana tucui rupashca yanta shina?» nirca.

SAN MATEO 3:17

Jahua pachamanta rimashpaca: «Caimi ñuca cuyashca Churica. Paillami ñucataca cushichin» nishcami uyarirca.

DEUTERONOMIO 12:21

Mandac Dios paipac shutita churangapac acllashca pushtu carupi cacpica, ñuca mandashca shina huagracunatapish, ovejacunatapish huañuchishpa, cancuna munashca shina, cancunapac llactallapitac micunguichiclla.

DEUTERONOMIO 16:11

Mandac Dios paipac shutita causachun acllashca pushtupimi paipac ñaupapi cancunapac churicunahuan, ushicunahuan, servic caricunahuan, servic huarmicunahuan, cancunapac llactapi causac levitacunahuan, shuctac llacta runacunahuan, taita mama illaccunahuan, cancunapac llactapi causac viudacunahuan cushicuna canguichic.

COLOSENSES 2:9

Dios imalaya cashcaca, Cristopimi tucui ricurin.