2 CRÓNICAS 5:5 - Dios Rimashcata Quillcashcami

⁵ Chai Arcataca curacuna shinallatac levitacunami Dios-huan tupana huasindi, chaipi tucui imalla tiyashcacunandi Diospacta ruhuangapac aparcacuna.

2 CRÓNICAS 5:5 ပူးပေါင်းရင်းမြစ်များ

1 REYES 8:4

Mandac Diospac Arcatapish Dios-huan tupana huasitapish, Diospacta ruhuangapac chai carpapi imalla tiyashcacunatapish apamurcacuna. Chaicunataca curacuna shinallatac levitacunami apamurcacuna.

1 REYES 8:6

Chai quipami curacunaca Mandac Dios ari nishca quillcata huacaichina Arcataca Dios-huan tupana huasiman yaicuchishpa, Diospaclla chicanyachishca ucuman apashpa querubincunapac alas ucupi churarca.

2 CRÓNICAS 1:3

Chai quipaca tucui chai tandanacushca gentecunahuanmi, Gabaón lomapi cac Dios-huan tupana huasipi cac altarman rirca. Chai carpa huasitaca Mandac Diosta servic Moisesmi shitashca pambapi ruhuashca carca.

2 CRÓNICAS 23:18

Chai quipaca Joiadaca Mandac Diospac huasipimi imata ricuccunata churarca. Paicunataca curacuna, levitacunami mandacurca. Davidca paicunatami Mandac Diospac huasipica Moisés mandashpa, quillcashcapi nishca shinallatac churarca. Paicunataca Mandac Diosman animalcunata cushpa rupachichun, David mandashca shina cushicushpa cantachunmi churarca.

2 CRÓNICAS 5:4

Israelcunata pushac yuyaccuna tucui shamucpimi, levitacunaca chai Arcata japircacuna.

2 CRÓNICAS 5:6

Shina apashpaca jatun mandac Salomonpish, paihuan tandanacushca tucui israelcunapish, chai Arca ñaupapimi ovejacunata, huagracunata Diosman cushpa huañuchirca. Chai huañuchishca animalcuna achca cacpimi, maita mana yupai pudircacuna.