2 CRÓNICAS 5:4 - Dios Rimashcata Quillcashcami

⁴ Israelcunata pushac yuyaccuna tucui shamucpimi, levitacunaca chai Arcata japircacuna.

2 CRÓNICAS 5:4 ပူးပေါင်းရင်းမြစ်များ

1 REYES 8:3

Israelcunata pushac tucui yuyaccuna shamucpimi, curacunaca Diospac Arcata japircacuna.

1 CRÓNICAS 15:2

Shina ruhuashpami Davidca: «Diospac Arcataca mana pipish apangachu, ashtahuanpish levitacunallami apanga. Mandac Diosmi paicunataca paipac Arcata apachunpish, tucui causaipi paita servichunpish acllashca» nirca.

2 CRÓNICAS 5:5

Chai Arcataca curacuna shinallatac levitacunami Dios-huan tupana huasindi, chaipi tucui imalla tiyashcacunandi Diospacta ruhuangapac aparcacuna.

2 CRÓNICAS 5:7

Chai quipami curacunaca Mandac Dios ari nishca quillcata huacaichina Arcataca maipi churana cashca pushtuman aparcacuna. Shina apashpaca, Diospac huasiman yaicuchishpami Diospaclla chicanyachishca ucuman apashpa querubincunapac alas ucupi churarca.

NÚMEROS 4:15

Aarón paipac churicunahuan tucui ñucapaclla chicanyachishcacunata catashpa, shuc llactaman rigricpimi, Cohatpac churicunaca apangapac cuchuyanga. Shina apashpapish, ñucapaclla caccunataca mana tuparinachu can. Tuparishpaca huañungami. Caicunami Cohatpac churicuna ñucahuan tupana huasipi ruhuanaca can.

JOSUÉ 3:6

Quipata curacunata Josué rimashpaca: «Dios ari nishca quillcata huacaichina Arcata huandushpa, israelcunapac ñaupata richic» nirca. Shina nicpimi, Arcata huandushpa, israelcunapac ñaupata rircacuna.

JOSUÉ 6:6

Nunpac churi Josué curacunata cayashpaca: «Dios ari nishca quillcata huacaichina Arcata apaichic. Canchis curacunaca oveja gachucunamanta ruhuashca canchis cornetata apashpami, Arcata huanduccunapac ñaupata ringacuna» nirca.