2 CRÓNICAS 5:2 - Dios Rimashcata Quillcashcami

² Salomonca tucui israelcunata pushac yuyaccunata, aillucunata tucui mandaccunata, familiacunata mandaccunatami Arcata Davidpac Sión puebloman apangapac Jerusalenpi tandachirca.

2 CRÓNICAS 5:2 ပူးပေါင်းရင်းမြစ်များ

2 SAMUEL 5:7

Chashna nicucpipish, Davidca jatun torrehuan jarcashca Sión pueblotaca japircami. Chai puebloca Davidpac pueblomi.

2 SAMUEL 6:12

Jatun mandac Davidmanca: «Obed-edompac huasipi Diospac Arca cashcamantami paipac familiatapish, paipac ima charishcacunatapish Mandac Diosca bendiciashca» nishpa huillashcata yachac chayashpami, Davidca cushicushpa, Obed-edompac huasimanta paipac puebloman Arcataca aparca.

1 CRÓNICAS 15:1

Davidca paipac pueblopimi paipac huasicunata shayachirca. Shinallatac Diospac Arcata churangapacpish shuc pushtuta acllashpami carpa huasita shayachirca.

1 CRÓNICAS 15:12

cayashpaca: «Cancunami levitacunapac familiacunata mandac canguichic. Chaimanta israelcunata Mandac Diospac Arcata ñuca acllashca pushtuman apamungapac cancunapish, cancunapac aillucunapish Diospaclla tucushpa chuyayaichic.

1 CRÓNICAS 15:25

Davidpish, israelcunata pushac yuyaccunapish, huaranga huaranga soldadocunata mandaccunapish cushicushpami, Obed-edompac huasimanta Dios ari nishcata huacaichina Arcata apamungapac rircacuna.

1 CRÓNICAS 15:3

Davidca, Mandac Diospac Arcata pai acllashca pushtuman apangapacmi tucui israelcunata Jerusalenpi tandachirca.

1 CRÓNICAS 16:1

Chashna apamushpami, Diospac Arcataca David ruhuashca carpa huasipi churana cashcapi churarcacuna. Chai quipaca Mandac Dios-huan alli tucungapacmi animalta huañuchishpa, shinallatac tucui rupachishpa Diospac ñaupapi curca.

1 CRÓNICAS 24:31

Paicunapish paicunapac aillu Aaronpac huahua huahuacuna shinallatacmi Diosta servingapac suerteta ruhuarcacuna. Paicunaca jatun mandac Davidpac, Sadocpac, Ahimelecpac, ñaupa taitacunapac huasi ucupurata mandac curacunapac, levitacunapac ñaupapimi suerteta ruhuarcacuna. Chashnami taitacunata mandaccunatapish, paicunapac quipa huauquicunatapish, ruhuarcacuna.

1 CRÓNICAS 24:6

Levitapuramanta Natanaelpac churi Semaiasca quillcacmi carca. Paica jatun mandacpac, quipa mandaccunapac, Sadoc curapac, Abiatar curapac churi Ahimelecpac, paicunapac ñaupa taitacunapac huasi ucupurata mandac curacunapac, levitacunapac ñaupapimi paicunapac shuticunata quillcarca. Eleazarpac huahua huahuapuramantaca paicunapac huasi ucupurata mandactami suerteta ruhuashpa, ishcaita acllarca. Itamarpac huahua huahuapuramantaca shuctami acllarca.

1 CRÓNICAS 26:26

Diospac huasipi tiyashca valishcacunataca Selomitmi paipac familiacunahuan cuidacurca. Chaicunataca jatun mandac Davidpish, ñaupa taitacunapac huasi ucupuracunata mandaccunapish, huaranga soldadocunata mandaccunapish, patsac soldadota mandaccunapish, tucui soldadocunata mandaccunapish Diospaclla cachun chicanyachishcami carca.

1 CRÓNICAS 28:1

Davidca tucui israelcunata mandaccunata, aillucunata mandaccunata, jatun mandacta servingapac quillanta shamuc soldadocunata mandaccunata, huaranga soldadocunata, patsac soldadocunata mandaccunata, jatun mandacpac tucui ima charishcacunata, paipac churicunapac ima charishcacunata mandaccunata, paipac soldadopurapi ashtahuan alli nishca sinchi soldadocunatami Jerusalenpi tandachirca.

2 CRÓNICAS 1:4

Ashtahuanpish Davidca Diospac Arcataca Quiriat-jearim pueblomantami carpa huasita pai shayachishca allichishca pushtupi churangapac apamushca carca.

2 CRÓNICAS 5:1

Chashnami Salomonca Mandac Diospac huasipi tucui ima tiyanacunata ruhuachirca. Chai quipaca paipac taita David Diosman cushpa chicanyachishca ofrendata, curita tucui ima chariccunatami Diospac huasipi chai yalli valishcacunata huacaichina ucupi churarca.

2 CRÓNICAS 5:12

Shinallatac cantac levitacuna, Asaf, Hemán, Jedutún runacunaca paicunapac churicunahuan, familiacunahuanmi altar ñaupapi inti llucshina ladoman alli lino churanacunata churarishca platillocunahuan, salteriocunahuan arpacunahuan shayacurca. Paicunahuanca patsac ishcai chunga curacunami trompetacunapi tocashpa shayacurca.

SALMOS 2:6

«¡Ñucaca jatun mandactaca ñami ñucapaclla chicanyachishpa Sión urcupi mandachun churani!» nirca.

SALMOS 87:2

Mandac Diosca Sión pueblo pungucunatami Jacobopac tucui pueblocunata yalli cuyan.

LEVÍTICO 9:5

Moisés mandashca shinami, Mandac Dios-huan tupana huasi ñaupaman apamurca. Tucui israelcuna Mandac Diospac ñaupapi tandanacushpa shayacucpimi,

NÚMEROS 10:33

Mandac Diospac urcumanta israelcuna rishpaca, quimsa punzhatami purirca. Mandac Dios-huan ari nishca quillcata huacaichina Arcahuanca ñaupashpami quimsa punzhata maipi samarinata mashcashpa purirca.

NÚMEROS 10:36

Arcata shayachicpica: «¡Mandac Dioslla, cai huaranga huaranga israelcunata tigrarishpa ricuiyari!» nircami.