2 CRÓNICAS 5:12 - Dios Rimashcata Quillcashcami

¹² Shinallatac cantac levitacuna, Asaf, Hemán, Jedutún runacunaca paicunapac churicunahuan, familiacunahuanmi altar ñaupapi inti llucshina ladoman alli lino churanacunata churarishca platillocunahuan, salteriocunahuan arpacunahuan shayacurca. Paicunahuanca patsac ishcai chunga curacunami trompetacunapi tocashpa shayacurca.

2 CRÓNICAS 5:12 ပူးပေါင်းရင်းမြစ်များ

1 CRÓNICAS 13:8

Davidpish, tucui israelcunapish Mandac Diospac ñaupapimi arpapi, panderopi, salteriopi, cimbalopi, trompetapi tocashpa, cantashpa cushicurca.

1 CRÓNICAS 15:24

Sebanías, Josafat, Natanael, Amasai, Zacarías, Benaía, shinallatac Eliezer curacunaca Diospac Arca ñaupapimi trompetacunapi tocarcacuna. Shinallatac Obed-edom, Jehiaspish Diospac Arcata cuidaccunami carca.

1 CRÓNICAS 15:27

Davidca linomanta ruhuashca ashtahuan alli churanata churashcami carca. Diospac Arcata apac levitacunapish, cantac levitacunapish, cantaccunata pushac Quenaniaspish chashna churanallahuantacmi carca. Davidca linomanta ruhuashca efodtapish churashcami carca.

1 CRÓNICAS 23:30

Chishipish, tutamantapish, Mandac Diosta pagui nishpa, alli ningapacmi ric carcacuna.

1 CRÓNICAS 23:5

Chuscu huaranga runacunaca Diospac huasi punguta cuidaccunami carca. Cutin chuscu huaranga runacunaca Mandac Diosta alli ningapac ruhuachishca tocanacunapi tocaccunami carca.

1 CRÓNICAS 6:33

Paicunapac churicunahuan cantashpa ayudaccunaca: Cohatpac huahua huahuapuramantaca Hemanmi carca. Hemanca Joelpac churi, Joelca Samuelpac churi,

1 CRÓNICAS 6:39

Hemanpac alli ladomanca paipac huauquipuramanta Asafmi carca. Asafca Berequiaspac churi, Berequiasca Simeapac churi,

2 CRÓNICAS 29:25

Jatun mandac David, Dios ricuchishcata huillac Gad, Natán mandashca shinami, levitacunataca Mandac Diospac huasipi salteriocunapi, arpacunapi, cimbalocunapi tocachun churarca. Chaitaca Mandac Diosmi pai ima nishcata huillaccunata huillachishca carca.

2 CRÓNICAS 29:26

Shinami levitacunaca David ruhuachishca tocanacunahuan, curacunaca trompetacunahuan shayacurca.

2 CRÓNICAS 7:6

Curacunaca paicuna imatac ruhuanallapitacmi carcacuna. Levitacunapish, Mandac Diosta pagui ningapac jatun mandac David ruhuashca tocanacunapimi tocarcacuna. David allichishca cantota cantashpaca: «Diosca allimari, pai llaquishcaca huiñai huiñaipacmi» nishpami cantarcacuna. Curacunaca levitacunapac chimbapurapimi trompetacunapi tocarcacuna. Israelcunaca tucuimi shayacurcacuna.

SALMOS 149:3

Paipac shutitaca danzashpa alabaichicyari. Paitaca panderopi, arpapi tocashpa cantaichicyari.

SALMOS 50:1

Cancunata Mandac Dios, tucui dioscunapac Diosmi rimarca. Paimi cai pachapi causaccunataca inti llucshina ladomanta inti tigrana ladocaman tandanacuchun cayashca.

SALMOS 62:1

Diosllami ñuca almataca samachin. Paillami ñucataca quishpichin.

SALMOS 68:25

Cantaccunaca huashata, tocaccunaca ñaupata, cutin solteracunaca panderocunapi huactashpami chaupita shamurcacuna.

SALMOS 88:1

Ñucata quishpichic Mandac Dioslla, tutapish, punzhapish canllatami mañani.

SALMOS 92:3

Chunga cuerdayuc tocanapi, salteriopi, arpapi sumacta tocashpami cantani.

APOCALIPSIS 15:6

Chai Diosta mañana huasimantaca, canchis angelcunami canchis llaquicunata apashca llucshirca. Paicunaca linomanta ruhuashca jagan nicuc churanata churashca, shinallatac pechopica curimanta ruhuashca chumbita churashcami carca.

APOCALIPSIS 19:8

Pactalla Ovejapac huarmimanca tucuimanta yalli valishca chuyanlla jagan nicuc linotami churachishca» nircacuna. Chai linoca Diospaclla caccuna imapish cashcata ruhuactami ricuchin.