2 CRÓNICAS 4:1 - Dios Rimashcata Quillcashcami

¹ Chashnallatac shuc bronce altartapish ruhuarcami. Chai altarca largomanpish, anchomanpish iscun metromi carca. Altomanca chuscu metro chaupimi carca.

2 CRÓNICAS 4:1 ပူးပေါင်းရင်းမြစ်များ

1 REYES 8:22

Shina nishca quipami Salomonca Mandac Diospac altar ñaupapi shayarishpa, tucui tandanacushca israelcuna ñaupapi jahuaman maquita chutashpaca:

1 REYES 8:64

Jatun mandacca chai punzhallatacmi Mandac Diospac huasi ñaupapi tiyac chaupi pungu pambatapish Diospaclla cachun curca. Diosman cushpa tucui rupachina animalcunata, ofrendacunata, Dios-huan alli tucungapac cushca huirataca chai pungu pambapimi rupachirca. Mandac Diospac ñaupapi cac bronce altarca uchillami carca. Diosman cushpa tucui rupachina animalcunata, ashtahuan ima cushcacunata, Dios-huan alli tucungapac cushca huirata rupachingapacca mana pactarcachu.

1 REYES 9:25

Salomonca chai huasita ruhuashpa, tucui tucuchishca quipaca, Mandac Diosman paillatac ruhuashca altar jahuapimi huatapi quimsa cutin animalcunata Diosman cushpa tucui rupachirca. Shinallatac Dios-huan alli tucungapacpish, animalcunata cushpami huañuchirca. Inciensotapish, Mandac Diospac ñaupapi tiyac altarpimi rupachirca.

2 CRÓNICAS 1:5

Bronce altartaca Uripac churi Bezaleelmi ruhuarca. Urica Hurpac churimi carca. Chai altarca Mandac Diospac ñaupapimi Dios-huan tupana huasi ñaupapi tiyacurca. Chaimanmi Salomonca tandanacushca gentecunahuan Diosman tapungapac rirca.

2 CRÓNICAS 15:8

Obedpac churi Azarías Dios ima nishcata huillashcata Asa uyashpaca, ashtahuan sinchi tucushpami, millana yanga dioscunata tucui Judá llactamanta, Benjamín llactamanta anchuchirca. Shinallatac Efraín urcucunapi tiyac pai quichushca pueblocunamantapish chingachircami. Shina ruhuashpami Mandac Diospac pungu ñaupapi tiyac Diospac altartapish allichirca.

2 CRÓNICAS 29:18

Chaimantami jatun mandac Ezequiaspacman shamushpaca: «Mandac Diospac huasi ucumantaca ñami mapata tucui anchuchircanchic. Animalta cushpa rupachina altartapish, chai altarpi imallata ruhuangapac ima tiyaccunatapish, Diospac tandata churana mizatapish, chai mizapi imallata ruhuangapac ima tiyashcacunatapish chashnallatacmi ruhuarcanchic.

2 CRÓNICAS 7:7

Salomonca Mandac Diospac huasi ñaupapi cac chaupi pambatami Diospaclla cachun ruhuarca. Diosman cushpa tucui rupachina animalcunatapish, Dios-huan alli tucungapac cushca animalcunapac huiratapish, chaipimi rupachirca. Salomón ruhuashca bronce altarpi tucui rupachina animalcunata, animalcunapac huirata, Diosman cushca ofrendatapish rupachingapac mana pactacpimi, chaipi rupachirca.

2 CRÓNICAS 8:12

Chaimantami Salomonca Mandac Diosman pai ruhuashca altar jahuapi, animalcunata cushpa tucui rupachirca. Chai altarca Diospac huasiman yaicuna pungu ñaupapimi carca.