2 CRÓNICAS 3:16 - Dios Rimashcata Quillcashcami

¹⁶ Shinallatac cadenacunata ruhuashpami, Diospac huasi pilarcunapac umapi cac capitelcunapi muyuchishpa churarca. Shinallatac patsac uchilla cadenacunata ruhuashpami, chai pilar jahuapi cac capitelcunapi muyundita ruhuarca.

2 CRÓNICAS 3:16 ပူးပေါင်းရင်းမြစ်များ

1 REYES 6:21

Shinami Salomonca Diospac huasi ucutaca ashtahuan alli curihuan taparca. Diospaclla ucutapish curihuan tapashpami, chai ucuman yaicuna pungutapish curi cadenacunahuan jarcarca.

1 REYES 7:20

Chai ishcai pilar umapi churashca capitelcunapica ishcai patsac granadillata rejilla jahuapi ishcai filata muyuchishpa ruhuashcami carca. Caishuc capitelpish chashnallatacmi carca.

2 CRÓNICAS 3:15

Diospac huasi ñaupapi churangapacca, chunga pichca metro canchis chunga pichca centimetrota charic ishcai jatun pilarcunatami ruhuarca. Chai pilarcunapac umapi churashca capitelcunaca ishcai metro ishcai chunga centimetromi carca.

2 CRÓNICAS 3:17

Jatun pilarcunataca Diospac huasi ñaupapimi, shuctaca alli ladoman shuctaca lluqui ladoman shayachirca. Alli ladoman churashca pilartaca Jaquintami shutichirca. Lluqui ladoman churashca pilartaca Boaztami shutichirca.

2 CRÓNICAS 4:12

Chai ruhuashcacunaca ishcai pilar, chai jahuapi cac capitel nishcacuna, shinallatac muyundita churana ishcai filata rejillacunami carca. Chai rejillacunataca pilarcunapac jahuapi tiyac ishcai capitelta muyundi churangapacmi ruhuarca.

2 CRÓNICAS 4:13

Chuscu patsac granadacunatapish ishcai rejillacunapacmi ruhuarca. Chai granadacunataca chai pilarcunapac umapi churashca capitelcunata muyundita tapangapacmi cada rejillapi ishcai filata ruhuashpa huarcurca.