2 CRÓNICAS 26:9 - Dios Rimashcata Quillcashcami

⁹ Jerusalenpica esquinapi cac pungupipish, pugru pambaman llucshina ladopipish, caishuc lado esquinapipish sinchi torrecunatami shayachirca.

2 CRÓNICAS 26:9 ပူးပေါင်းရင်းမြစ်များ

2 REYES 14:13

Israel llactata jatun mandac Joasca chai Bet-semes pueblopimi Judá llactata jatun mandac Amasiasta prezu japirca. Amasiasca Joaspac churi, Ocoziaspac nietomi carca. Judá llactata jatun mandacca Jerusalenman shamushpami, Jerusalén pircata Efraín pungumantaca esquinapi tiyac pungucaman chuscu patsac metro anchota tigrachirca.

2 CRÓNICAS 25:23

Israel llactata jatun mandac Joasca Judá llactata jatun mandac Amasiastaca Bet-semes pueblopi japishpami Jerusalenman apamurca. Amasiasca Joaspac churimi carca. Joasca Joacazpac churimi carca. Jerusalén pircataca Efraín pungumantaca esquinapi cac pungucamanmi patsac pusac chunga metrota tuñirca.

NEHEMÍAS 2:13

Chai tutaca pugru pambaman llucshina punguta llucshishpami, Dragón jundu ladoman chayashpa, mapata shitana pungu ladocaman purishpa Jerusalén pircacunata urmachishcatapish, pungucunata rupachishcatapish ricurcani.

NEHEMÍAS 2:15

Jatun yacu ladota tuta huichai rishpami, muyundi jatun pircataca alli ricurcani. Chashna rishpami, pugru pambaman llucshina pungullatatac cutishpa yaicurcani.

NEHEMÍAS 3:13

Pugru pambaman llucshina pungutaca Hanunmi Zanoa pueblopi causaccunahuan allichirca. Paicunami jarcana caspicunata, aldabacunata churashpa saquiquirca. Pircatapish mapata shitanacamanmi allichirca. Paicuna allichishca pircaca chuscu patsac pichca chunga metromi carca.

NEHEMÍAS 3:24

Paipac ladopica Henadadpac churi Binuimi Azariaspac huasi ladomanta jatun pirca tucuri esquinacaman allichirca.

NEHEMÍAS 3:32

Cullquimanta imacunata ruhuanata yachaccuna, randishpa catushpa causaccunaca chai huasi esquinamanta callarishpa, ovejacuna yaicuna pungucamanmi allichirca.

JEREMÍAS 31:38

Jerusalentaca ñucapaclla cachun, Hananeel torremanta, esquinapi tiyac pungucaman allichina punzhacunami shamugrin.

ZACARÍAS 14:10

Tucui llactami Geba llactamantaca Jerusalén ura ladoman tiyac Rimón llactacamanmi pugru pamba tucunga. Jerusalenca jahuapimi canga. Chai puebloca Benjaminpac pungumantaca punta pungucaman, pirca esquinapi tiyac pungucamanmi canga. Hananeelpac jatun torremantaca jatun mandacpac uvasta cutana pushtucunacamanmi causanga.