2 CRÓNICAS 20:2 - Dios Rimashcata Quillcashcami

² Shina cacpimi, maijancuna Josafatpacman rishpaca: «Mama cucha chimba ladopi causaccunapish, Siria llactapi causaccunapish canhuan macanacungapacmi achca shamucun. Paicunaca Hazezón-tamar nishca En-gadi pueblopimi tandanacushca cancuna» nirca.

2 CRÓNICAS 20:2 ပူးပေါင်းရင်းမြစ်များ

GÉNESIS 14:3

Tucui cai pichca jatun mandaccunami Sidim pambapi tandanacurca. Chai pambapimi Cachi yacu cuchaca can.

GÉNESIS 14:7

Paicunaca En-mispat nishca Cades llactamanmi catirca. Chashna cutishpami, amalecitacuna causana llactatapish, Hazezon-tamarpi causac amorreocunatapish tucuchirca.

CANTARES 1:14

Ñuca cuyashcaca En-guedi pueblopi tiyac, uvas chagra chaupipi huiñashca alheña sisa shinami.

EZEQUIEL 47:10

Shinallatac challuata japiccunapish chai yacu ladopimi canga. En-gadi llactamantaca En-eglaim llactacamanmi linchicunata tendinga. Mama cuchapi shinami tucuilaya achca challua tiyanga.

EZEQUIEL 47:19

Ura lado linderoca Tamar llactamantaca Meriba yacucaman, Cades llactamanta Egipto llacta tupanacuipi tiyac yacuta catishpa, mama cuchacamanmi canga.

EZEQUIEL 48:28

Gad aillupac allpa linderoca ura ladota catishpa, Tamar llactamanta, Cades pueblopi tiyac Meriba yacucaman, Egiptohuan tupanacui yacuta catishpa, mama cuchacamanmi canga.

NÚMEROS 34:12

Chaimantaca Jordán yacu uraita rishpa, Cachi Cuchamanmi chayanga. Chai shinami cancunapac llactaca canga” ninmi ningui» nirca.

JOSUÉ 15:62

Nibsán, Cachi pueblo shinallatac En-guedi pueblocunami carca. Sucta pueblocunami, muyundi uchilla llactacunandi carca.

JOSUÉ 3:16

jahuamanta shamuc yacuca Saretán pueblo ladopi tiyac Adam pueblomanta ashtahuan carupimi tandarishpa saquirirca. Shinami Arabá cuchaman, Cachi Cuchaman ric yacuca chaupirishpa chaquirirca. Shina tucucpica, israelcunaca Jericó puebloman pasarcacunallami.

1 SAMUEL 23:29

Chaimantami Davidca chaimanta huichai rishpa, maita mana chayaipac shitashca En-gadi pamba quingraicunapi miticushpa causagrirca.