2 CRÓNICAS 2:7 - Dios Rimashcata Quillcashcami

⁷ Cunanca curita, cullquita, bronceta, fierrotapish alli ruhuanata yachactapish, morado, puca, azul telacunata ruhuanata alli yachactapish, shinallatac rumita labranata yachac shuc runata Judapi, Jerusalenpi ñucahuan cac gentecunahuan trabajachun cachai. Paicunataca ñuca taitami alli yachachirca.

2 CRÓNICAS 2:7 ပူးပေါင်းရင်းမြစ်များ

1 REYES 10:11

Hirampac jatun barcocunami Ofir llactamanta curita apamushca carca. Chai barcocunallatacmi Sándalo caspicunatapish, alaja rumicunatapish apamurca.

1 REYES 7:14

Paica Neftalí aillupuramanta shuc viuda huarmipac cari huahuami carca. Paipac taitaca Tiro pueblomanta broncemanta imatapish ruhuanata alli yachacmi carca. Hirampish chai shinallatacmi broncemanta imata ruhuanatapish, ima shina ruhuanatapish alli yachac, yuyaisapa carca. Chaimantami mandac Salomonpacman shamushpa, pai ima nishcata ruhuarca.

ISAÍAS 28:26

Tarpuc runataca paipac Diosmi allita ruhuanata yachachicun.

ISAÍAS 28:29

Chaitaca tucuita Mandac Diosllatacmi ruhuarca. Paica imata ruhuanata yuyarishcapish sumaimanami. Paipac yachaipish mai sumacmi.

ISAÍAS 60:10

Mandac Diosca Jerusalén llactataca: «Cambac muyundi pircacunataca shuctac llacta runacunami shayachinga. Jatun mandaccunami cantaca servinga. Ñucaca piñarishpami llaquichircani. Ashtahuanpish cunanca allita ruhuanata munashpami, cantaca llaquisha.

EZEQUIEL 27:5

Senir urcumanta ciprés tablahuanmi ruhuarca. Pilarcunataca Líbano urcumanta cedro caspihuanmi ruhuarca.