2 CRÓNICAS 2:4 - Dios Rimashcata Quillcashcami

⁴ Riqui, ñucaca, ñucata Mandac Diosmanmi shuc huasita shayachinata yuyarircani. Chai huasipimi mishquilla inciensota paipac ñaupapi rupachisha nini. Paipaclla chicanyachishca tandatapish, punzhanta tutamantapish, chishipish Diosman cushpa rupachingapac, samana punzhacunapi, llullu quilla punzhacunapi Diosman cushpa huañuchingapac, shinallatac ñucanchicta Mandac Diosta yuyarishpa shuc jatun fiestata ruhuangapacmi shayachisha nini. Caicunatami israelcunapac huahua huahuacunaca huiñaita ruhuacungalla.

2 CRÓNICAS 2:4 ပူးပေါင်းရင်းမြစ်များ

1 REYES 5:5

Shina cashcamanta ñucami ñucata Mandac Diospac shutipi mañana huasita shayachinata yuyarircani. Mandac Diosmi ñuca taita Davidtaca: “Can mandashpa causacushcapica cambac churitami cambac randi churasha. Paimi ñuca shutipi mañana huasitaca shayachinga” nishca carca.

1 REYES 8:18

Ashtahuanpish Mandac Diosca ñuca taita Davidtaca: “Ñucata mañana huasita shayachinatami cambac shungupi yuyarircangui. Can chaita yuyarishcaca allimi.

1 REYES 8:63

Mandac Dios-huan alli tucungapacmi Salonmanca ishcai chunga ishcai huaranga huagracunata, patsac ishcai chunga huaranga ovejacunata Diosman cushpa huañuchirca. Chashnami jatun mandacpish, tucui israelcunapish Mandac Diospac huasitaca Diosllamantac mingarcacuna.

1 CRÓNICAS 22:5

Chaimantami Davidca: «Ñuca churi Salomonca chairac huambraracmi. Tucui llactacunapac ricsishca alli nishca cachunmi Mandac Diospac huasitaca jatunta shinallatac sumacta shayachina can. Shina cashcamantami ñucallatac tucui allichigrini» nirca. Davidca manarac huañushpami, tucui allichishpa saquirca.

2 CRÓNICAS 13:11

Paicunami tutamantapish, chishipish animalcunata Diosman cushpa tucui rupachicun. Mishquilla ashnacuc inciensotapish paicunami rupachicun. Shinallatac ima mapa illac mizapimi Diosman tandata churacun. Curi candeleropi tiyac lamparacunatapish tucui chishicunami ninata japichincuna. Ñucanchicca, ñucanchicta Mandac Dios imata mandashcatami pactachinchic. Ashtahuanpish cancunaca saquishcanguichicmi.

2 CRÓNICAS 2:1

Salomonca Mandac Diosman shuc huasitapish, llactata pai mandashpa tiyana huasitapish shayachingapacmi yuyarirca.

NEHEMÍAS 10:33

Diosman cuna tandapac, punzhanta cuna ofrendapac, Diosman animalta cushpa punzhanta rupachingapac, samana punzhacunapi, llullu quilla punzhacunapi, fiesta punzhacunapi cungapac. Shinallatac Diosman chicanyachishpa cungapac animalta israelcunapac juchamanta cushpa huañuchingapac, ñucanchic Diospac huasipi imata ruhuachun cungapacmi ñucanchicllatac ari nircanchic.

SALMOS 86:8

Mandac Dioslla, dioscunapurapica can shina Diosca pi mana tiyanchu. Can ruhuashca shinataca pi mana ruhuai pudinchu.

SALMOS 96:4

Mandac Diosca jatunmi. Tucuimanta yalli alabana Diosmi. Tucui dioscunamanta yalli manchana Diosmi.

ÉXODO 25:30

Chai miza jahuapica punzhanta ñucaman cushca tandata churangui. Ñucapac ñaupamantaca jaicapi mana illanachu can.

ÉXODO 30:7

Aarón lamparacunata allichicushpaca, cada tutamantami mishquilla ashnacuc inciensota altarpi rupachinga.

PROVERBIOS 7:20

Mochila cullquita apashpami rirca. Quilla tucucpimi, huasimanca shamunga” nirca.