2 CRÓNICAS 2:3 - Dios Rimashcata Quillcashcami

³ Chai quipami Salomonca Tiro llactata jatun mandac Hiramman quillcashpaca: «Ñuca taita Davidhuan ruhuashca shinallatac ñucamanpish ruhuaiyari. Shuc huasita paiman ruhuachunca, cedro caspicunatami cacharcangui.

2 CRÓNICAS 2:3 ပူးပေါင်းရင်းမြစ်များ

2 SAMUEL 5:11

Tiro pueblota jatun mandac Hirampish, rimaccunata cedro caspicunahuan, shinallatac carpinterocunatapish, rumita labraccunatapish Davidpacman cacharcami. Paicunami Davidpac huasitaca ruhuarca.

1 CRÓNICAS 14:1

Tiro pueblota jatun mandac Hirammi David paipac huasita shayachichun huillaccunata, huasita ruhuaccunata, carpinterocunata, cedro caspicunata cushpa cacharca.

2 CRÓNICAS 13:11

Paicunami tutamantapish, chishipish animalcunata Diosman cushpa tucui rupachicun. Mishquilla ashnacuc inciensotapish paicunami rupachicun. Shinallatac ima mapa illac mizapimi Diosman tandata churacun. Curi candeleropi tiyac lamparacunatapish tucui chishicunami ninata japichincuna. Ñucanchicca, ñucanchicta Mandac Dios imata mandashcatami pactachinchic. Ashtahuanpish cancunaca saquishcanguichicmi.

2 CRÓNICAS 24:14

Tucui allichishca quipa, chai puchushca cullquitaca jatun mandacpacman, Joiada curapacmanmi apamurca. Chai cullquihuanca Mandac Diospac huasipi imalla charinacunata, chaipi Diosta servingapac imalla charinacunata, animalcunata Diosman cushpa tucui rupachingapac imalla charinacunatami ruhuachirca. Curimanta, cullquimantami cucharacunatapish, vasocunatapish ruhuachirca. Mandac Diospac huasipica Joiada cura causacuc tucui punzhacunapimi animalcunata Diosman cushpa, tucui rupachic carcacuna.

2 CRÓNICAS 4:19

Salomonca Diospac huasipi tucui ima tiyanacunata ruhuachishpaca curi altartapish ruhuarcami. Shinallatac Diosman chicanyachishca tandata churana mizacunatapish ruhuarcami. Chai mizapimi Diosman cuna tandaca tiyacurca.

2 CRÓNICAS 8:13

Moisés mandashca shinami imata cuna cashpapish, chai punzha cuchunmi chashna ruhuarca. Samana punzhacunapi, llullu quilla punzhacunapi, jatun fiesta punzhacunapimi huatapi quimsa cutin rupachina carca. Cai fiestacunaca levadura illac tandata micuna punzhacuna, semana fiestacuna, chucllacunata ruhuana fiesta punzhacunami carca.

ESDRAS 6:3

«Jatun mandac Ciro Babilonia llactata mandai callari huatami jatun mandac Ciro Jerusalenpi causac Diospac huasita cutin shayachichun mandan. Chai mandashcapica: Callari rumita churashpa pircata ruhuashpa Diospac huasita cutin shayachichic. Chai huasipimi animalcunata Diosman cushpa huañuchina canga. Altomanca ishcai chunga canchis metro, anchomanpish ishcai chunga canchis metromi canga.

NEHEMÍAS 10:34

Diospac huasiman curacunapish, levitacunapish, tucui israelcunapish, mandashcapi nishca shina, ñucanchic taitacunapac huasi ucupura ima shina cashca shina ñucanchic Mandac Diospac altarpi rupachingapac huatanta yantata apamungapacmi suerteta ruhuarcanchic.

ÉXODO 25:30

Chai miza jahuapica punzhanta ñucaman cushca tandata churangui. Ñucapac ñaupamantaca jaicapi mana illanachu can.

ÉXODO 29:38

Altar jahuapica caicunatami punzhanta cuna cangui: Shuc huatayuc ishcai ovejatami ñucaman punzhanta cungui.

ÉXODO 29:39

Shuctaca tutamanta, shuctaca chishita cungui.

ÉXODO 29:41

Shuctac ovejataca chishitami cungui. Chai ovejataca tutamanta cushca shinallatac aceitehuan, vinohuan chapushpa rupachingui. Shina ruhuashcami ñucamanca mishquilla ashnanga.

ÉXODO 30:7

Aarón lamparacunata allichicushpaca, cada tutamantami mishquilla ashnacuc inciensota altarpi rupachinga.

LEVÍTICO 23:2

«Tucui israelcunataca: “Tandanacushpa ñucapaclla chicanyachishca fiestacunata ruhuashpaca, cashnami ruhuana canguichic.

LEVÍTICO 9:17

Chai quipaca tutamanta Diosman cushpa, tucuita rupachishca jahuami maqui junda grano ofrendata japishpa, altarpi rupachirca.

NÚMEROS 28:11

Cada quilla callaripi ima mana tucushca ishcai becita, shuc cari ovejata, shuc huatayuc canchis cari ovejata tucui rupachinguichic.

NÚMEROS 28:9

Samana punzhapica shuc huatayuc ima mana tucushca ishcai cari ovejatapish, ishcai kilo alli harinahuan aceitehuan chapushcatapish, tallina vinotapish cunguichic.